ହାଇଦ୍ରାବାଦ,୮।୫: ତେଲଙ୍ଗାନାରେ କଂଗ୍ରେସ ଏମ୍ପି ଜୀବନ ରେଡ୍ଡୀଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଏଥିରେ ରେଡ୍ଡୀ ନିର୍ବାଚନୀ ପ୍ରଚାର ଜଣେ ବୃଦ୍ଧ ମହିଳାଙ୍କୁ ଚାପୁଡ଼ା ମାରିଥିବା ଅଭିଯୋଗ ହୋଇଛି।
ତେବେ ଏହାକୁ ନେଇ ନିଜାମାବାଦରୁ କଂଗ୍ରେସ ଏମ୍ପି ପ୍ରାର୍ଥୀ ତାଙ୍କ ସ୍ପଷ୍ଟୀକରଣ ଦେଇଛନ୍ତି। ସେ କହିଛନ୍ତି, ସେ ମହିଳାଙ୍କୁ ସ୍ନେହପୂର୍ଣ୍ଣ ଭାବରେ ବୁଝାଉଥିଲେ। ଏଥି ସହ ବୃଦ୍ଧ ମହିଳା ତାଙ୍କୁ ବଦନାମ କରୁଛନ୍ତି।
ଭାଇରାଲ ଭିଡିଓରେ ଦେଖାଯାଇଥିବା ବୃଦ୍ଧ ମହିଳା କହିଛନ୍ତି, ଗତ ନିର୍ବାଚନରେ ମୁଁ କଂଗ୍ରେସକୁ ଭୋଟ ଦେଇଥିଲି। ହେଲେ ମୋତେ ଘର କି ପେନସନ ମିଳିନାହିଁ। ମୁଁ ତାଙ୍କୁ ଏ କଥା ଜଣାଇଥିଲି। ହେଲେ ସେ ଶୁଣୁନାହାନ୍ତି। ତେଣୁ ମୁଁ ଏଥର ଭାଜପାକୁ ଭୋଟ୍ ଦେବି ବୋଲି ମହିଳା ଜଣଙ୍କ କହିଥିଲେ। ଯାହା ପରେ ଜୀବନ ରେଡ୍ଡୀ ତାଙ୍କୁ ଚାପୁଡ଼ା ମାରିଥିବା ସେ କହିଛନ୍ତି।
