ନୂଆଦିଲ୍ଲୀ,୩/୧୧: ତେଲେଙ୍ଗାନା ନିର୍ବାଚନକୁ ନେଇ ବଡ଼ ଘୋଷଣା କରିଛନ୍ତି ଅସଦୁଦ୍ଦିନ ଓୱେସି। ନିଜ ରାଜ୍ୟରେ ମାତ୍ର ୯ ବିଧାନସଭା ଆସନରେ ଏଆଇଏମଆଇଏମ ଲଢ଼ିବାକୁ ଓୱେସି ନିଷ୍ପତ୍ତି ନେଇଛନ୍ତି। ଭାରତୀୟ ନିର୍ବାଚନ ଆୟୋଗଙ୍କ ସୂଚନା ମୁତାବକ ୨୦୧୮ରେ ଦଳ ରାଜ୍ୟରେ ୮ ଆସନରେ ଲଢ଼ି ୭ ଆସନରେ ବିଜୟୀ ହୋଇଥିଲା।
ହାଇଦ୍ରାବାଦ ଏମପି ଓୱେସି ଏକ ସାମ୍ବାଦିକ ସମ୍ମିଳନୀରେ କଂଗ୍ରେସ ଏବଂ ବିଜେପି ଉପରେ ବର୍ଷିଥିଲେ। ସେ କହିଥିଲେ କି ପ୍ରଧାନମନ୍ତ୍ରୀ ରାହୁଲ ଗାନ୍ଧୀଙ୍କୁ ରାମ ମନ୍ଦିରକୁ ନେଇଯିବା ଉଚିତ, କାରଣ କଂଗ୍ରେସ ହେଉଛି ଆରଏସଏସର ମା’ ଅଟେ।