ହାଇଦ୍ରାବାଦ,୨୪ ।୧୨: ସାରା ବିଶ୍ୱରେ ଓମିକ୍ରନ୍ ଆକ୍ରାନ୍ତଙ୍କ ସଂଖ୍ୟା ବଢି ଚାଲିଥିବା ବେଳେ ଆମ ଦେଶରେ ବି ଏହି ସଂଖ୍ୟା ଏବେ ପାଖାପାଖି ୩୦୦ ଛୁଇଁବାକୁ ଯାଉଛି । ଏଭଳି ପରିସ୍ଥିତିରେ ତେଲେଙ୍ଗାନାର ରାଜନ୍ନା ସିରସିଲ୍ଲା ଜିଲା ଗୁଡେମ ଗାଁରେ ଲୋକେ ୧୦ ଦିନିଆ ଲକଡାଉନ ଲଗାଇ ଦେଇଛନ୍ତି । ସୂଚନାଯୋଗ୍ୟ, ଏହି ଗାଁକୁ କିଛିଦିନ ତଳେ ବିଦେଶରୁ ଜଣେ ଯୁବକ ଫେରିଥିବା ବେଳେ ସେ ଓମିକ୍ରନ୍ରେ ଆକ୍ରାନ୍ତ ହୋଇଥିବା ଜଣାପଡିଥିଲା । ଆଉ ଏହାପରେ ଗ୍ରାମବାସୀ ଗାଁରେ ୧୦ ଦିନିଆ ଲକଡାଉନ ଲଗାଇବାକୁ ସ୍ଥିର କରିଥିଲେ । ସେମାନଙ୍କର କହିବା କଥା ହେଲା ଏପରି ନ କଲେ ଗାଁରେ ଓମିକ୍ରନ୍ ଆକ୍ରାନ୍ତଙ୍କ ସଂଖ୍ୟା ହଠାତ୍ ବୃଦ୍ଧି ହୋଇଯିବ ।