ନୂଆଦିଲ୍ଲୀ,୨୭।୧୨ : ଭାରତୀୟ କୁସ୍ତି ସଂଘକୁ ନିଲମ୍ବନ କରିବାର କିଛି ଦିନ ପରେ ଆଡ ହକ୍ କୁସ୍ତି କମିଟି ଗଠନ କରିଛି କ୍ରୀଡା ମନ୍ତ୍ରଳାୟ। ବିରୋଧ ପ୍ରଦର୍ଶନ ମଧ୍ୟରେ କୁସ୍ତି ସଂଘକୁ ନିଲମ୍ବନ କରିଦିଆଯାଇଥିଲା। ଡବ୍ଲୁଏଫ୍ଆଇର ନବ ନିର୍ବାଚିତ ପ୍ରଶାସନକୁ ନିଲମ୍ବନ କରିବାର କିଛି ଦିନ ପରେ ଭାରତୀୟ ଅଲିମ୍ପିକ୍ ଆସୋସିଏସନ୍(ଆଇଓଏ) ରେସଲିଂ ଫେଡେରେସନ୍ ଅଫ୍ ଇଣ୍ଡିଆ (ଡବ୍ଲୁଏଫ୍ଆଇ) ର କାର୍ଯ୍ୟ ପରିଚାଳନା ପାଇଁ ଏକ ଅସ୍ଥାୟୀ କମିଟି ଗଠନ କରିଛି।
ଏହି କମିଟିର ନେତୃତ୍ୱ ନେଉଛନ୍ତି ଭୁପିନ୍ଦର ସିଂ ବାଜୱା। ଏମଏମ ସୋମାୟା ଏବଂ ମଞ୍ଜୁଶା କାନୱାର ଏହାର ସଦସ୍ୟ ରହିଛନ୍ତି। ନ୍ୟାୟପୂର୍ଣ୍ଣ ଖେଳ, ଉତ୍ତରଦାୟିତ୍ୱ ଏବଂ ସ୍ୱଚ୍ଛତା ନିଶ୍ଚିତ କରିବାକୁ ଏହା ଏକ ନୂତନ ଅସ୍ଥାୟୀ କମିଟି ନିଯୁକ୍ତ କରୁଛି ବୋଲି ଆଇଓଏ କହିଛି।