ବାରିପଦା ଅଫିସ,୨୮ା୪- ମୟୂରଭଞ୍ଜ ଜିଲା ବାରିପଦା-ଉଦଳା ୧୯ନଂ. ରାଜ୍ୟ ରାଜପଥର ଚାଉଳିଆଶୋଳଠାରେ ଗୁରୁବାର ରାତି ୧୦ଟାରେ ଏକ ବରଯାତ୍ରୀ ଗାଡ଼ି ଓଲଟି ୧୦ରୁ ଊର୍ଦ୍ଧ୍ୱ ଗୁରୁତର ହୋଇଛନ୍ତି। ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରି ଚିକିତ୍ସା ପାଇଁ ବାରିପଦାସ୍ଥିତ ପିଆର୍ଏମ୍ ମେଡିକାଲକୁ ପଠାଇଛନ୍ତି।
ସୂଚନା ଅନୁଯାୟୀ, କମଳାଶୋଳ ଗ୍ରାମରୁ ଏକ ଟାଟା ଏସିଇରେ ବରଯାତ୍ରୀ ଦଳ ବାରିପଦାର ନୁରୁଡିହିକୁ ଯାଉଥିଲେ। ତେବେ ଗାଡ଼ିଟି ଭାରସାମ୍ୟ ହରାଇ ରାସ୍ତା ଉପରେ ଓଲଟି ପଡ଼ିଥିଲା। ଗାଡ଼ି ତଳେ ଚାପି ୧୦ରୁ ଊର୍ଦ୍ଧ୍ୱ ଆହତ ହୋଇଥିଲେ। ଗାଡ଼ିଟି ରାସ୍ତା ଉପରେ ପଡ଼ିରହିବାରୁ କିଛି ସମୟ ପାଇଁ ଯାତାୟତ ବନ୍ଦ ରହିଥିଲା।