ମୁମ୍ବାଇ,୩ା୧୨- କିମ୍ବଦନ୍ତୀ ଭାରତୀୟ ବ୍ୟାଟ୍ସମ୍ୟାନ ସଚିନ ତେନ୍ଦୁଲକରଙ୍କୁ ବ୍ୟାଟ ଧରିବା ଶିଖାଇଥିବା କୋଚ୍ ରମାକାନ୍ତ ଆଚରେକରଙ୍କ ଗୁରୁବାର ୮୮ତମ ଜନ୍ମବାର୍ଷିକୀ। ଏହି ଅବସରରେ ଏକ ହୃଦୟସ୍ପର୍ଶୀ ଫଟୋ ଟୁଇଟ୍ କରିଛନ୍ତି ଅନ୍ତର୍ଜାତୀୟ କ୍ରିକେଟର ବ୍ୟାଟିଂ ରେକର୍ଡଧାରୀ ସଚିନ। ମୋ ହୃଦୟର ସବୁଠୁ ନିକଟତର ବ୍ୟକ୍ତି ଓ ଦକ୍ଷତାକୁ ପ୍ରଥମେ ବୁଝି ପାରିଥିବା ଆଚରେକର ସାର୍ଙ୍କୁ ଧନ୍ୟବାଦ ବୋଲି କ୍ୟାପଶନରେ ଲେଖିଛନ୍ତି। ୮୭ ବର୍ଷ ବୟସରେ କ୍ରିକେଟ ଜଗତର ଅନ୍ୟତମ କୋଚଙ୍କ ଗତ ବର୍ଷ ଜାନୁୟାରୀ ୨ ତାରିଖରେ ପରଲୋକ ହୋଇଥିଲା।