କୋଲକାତା,୫।୧୧: ବିରାଟ କୋହଲି ଦକ୍ଷିଣ ଆଫ୍ରିକା ବିପକ୍ଷ ଓଡିଆଇ କ୍ୟାରିୟରର ୪୯ତମ ଶତକ ହାସଲ କରିଛନ୍ତି। ଏହିପରି ଭାବରେ ବିରାଟ କୋହଲି ସଚିନ ତେନ୍ଦୁଲକରଙ୍କ ରେକର୍ଡର ସମକକ୍ଷ ହୋଇପାରିଛନ୍ତି। ODI ମ୍ୟାଚରେ ପୂର୍ବତନ ଭାରତୀୟ କିମ୍ବଦନ୍ତୀ ସଚିନ ତେନ୍ଦୁଲକରଙ୍କ ନାମରେ ୪୯ଶତକ ରହିଛି। ତେବେ ବିରାଟ କୋହଲିଙ୍କ ୪୯ ତମ ଶତକକୁ ନେଇ ଟୁଇଟ କରି ସଚିନ ତେନ୍ଦୁଲକର ନିଜର ପ୍ରତିକ୍ରିୟା ପ୍ରକାଶ କରିଛନ୍ତି।
ସଚିନ ତେନ୍ଦୁଲକର ଲେଖିଛନ୍ତି ଯେ ୪୯ ରୁ ୫୦ପର୍ଯ୍ୟନ୍ତ ପହଞ୍ଚିବାକୁ ମୋତେ ୩୬୫ ଦିନ ଲାଗିଛି, ନିକଟରେ ଏହି ବର୍ଷ ମୁଁ ୫୦ରେ ପହଞ୍ଚିଛି। କିନ୍ତୁ ମୁଁ ନିଶ୍ଚିତ ଯେ ଆପଣ ଖୁବ ଶୀଘ୍ର ୪୯ ରୁ ୫୦ରେ ପହଞ୍ଚିବେ।ଆଗାମୀ କିଛି ମ୍ୟାଚ ରେ ତୁମେ ମୋର ରେକର୍ଡ ଭାଙ୍ଗିବ। ଅଭିନନ୍ଦନ … , ସଚିନ ତେନ୍ଦୁଲକରଙ୍କ ଟୁଇଟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହା ବ୍ୟତୀତ ସୋସିଆଲ ମିଡିଆ ୟୁଜର୍ସ କ୍ରମାଗତ ଭାବରେ ମନ୍ତବ୍ୟ ଦେଇ ମାଷ୍ଟର ବ୍ଲାଷ୍ଟରଙ୍କ ଟୁଇଟରେ ନିଜର ମତାମତ ଦେଉଛନ୍ତି।