ମୁମ୍ବାଇ,୩୧।୫: କ୍ରିକେଟର ଭଗବାନ କୁହାଯାଉଥିବା ସଚିନ ତେନ୍ଦୁଲକର ଦୀର୍ଘ ୨୪ ବର୍ଷ ଧରି ଅନ୍ତର୍ଜାତୀୟ କ୍ରିକେଟରେ ରାଜୁତି କରିଥିଲେ। ଏହି ସମୟ ମଧ୍ୟରେ ସେ ଅନେକ ରେକର୍ଡ ଭାଙ୍ଗି ନୂଆ ରେକର୍ଡ ସୃଷ୍ଟି କରିଥିଲେ। ତଥାପି, ତାଙ୍କର ଇଚ୍ଛା ପୂରଣ ହୋଇ ନ ଥିଲା। ଆଜି ବି ଦୁଇଟି ଇଚ୍ଛା ପୂରଣ ନ ହେବା ନେଇ ଅବଶୋଷ ରହିଯାଇଛି। ଅନ୍ତର୍ଜାତୀୟ କ୍ରିକେଟକୁ ୮ ବର୍ଷ ହେବ ବିଦାୟ ନେଇଥିବା ସଚିନ କହିଛନ୍ତି ଯେ ସେ ତାଙ୍କ କ୍ୟାରିୟରକୁ ନେଇ ସେ ସମ୍ପୂର୍ଣ୍ଣ ସନ୍ତୁଷ୍ଟ ଅଛନ୍ତି। କିନ୍ତୁ ସେ ନିଶ୍ଚିତ ଭାବରେ ଦୁଇଟି ଜିନିଷକୁ ନେଇ ତାଙ୍କ ଅବଶୋଷ ରହିଯାଇଛି।
ଏକଦିବସୀୟ ଏବଂ ଟେଷ୍ଟରେ ସର୍ବାଧିକ ରନ ସଂଗ୍ରହ କରିଥିବା ସଚିନ କ୍ରିକେଟ ଏକ ସାକ୍ଷାତକାରରେ କହିଛନ୍ତି ଯେ, ସେହି ୨ଟି ଜିନିଷ ମଧ୍ୟରୁ ପ୍ରଥମଟି ହେଉଛି ଭାରତୀୟ ଦଳରେ ସୁନୀଲ ଗାଭାସ୍କର ସହ ନ ଖେଲିପାରିବା ଏବଂ ଦ୍ୱିତୀୟଟି ପିଲାଦିନର ହିରୋ ଭିଭିଆନ ରିଚାର୍ଡସଙ୍କ ବିପକ୍ଷରେ ଖେଳିବାକୁ ସୁଯୋଗ ନ ପାଇପାରିବା ହେଉଛି ମୋ ଜୀବନର ଅବଶୋଷ ବୋଲି ସଚିନ କହିଛନ୍ତି।
ସୁନୀଲ ଗାଭାସ୍କରଙ୍କ ସହ କେବେବି ଖେଳି ନାହିଁ ଏବଂ ମୁଁ ଏହାକୁ ସର୍ବଦା ଅନୁତାପ କରିବି। ସେ ମୋର ବ୍ୟାଟିଂ ହିରୋ ଥିଲେ। ତାଙ୍କୁ ଦେଖିବା ସମୟରେ ମୁଁ କ୍ରିକେଟ ଖେଳିବା ଶିଖିଲି। ଏପରି ପରିସ୍ଥିତିରେ, ମୁଁ ତାଙ୍କ ସହିତ ଖେଳିବାକୁ ସକ୍ଷମ ନ ହୋଇ ଦୁଃଖିତ। ସଚିନ କହିଛନ୍ତି ଯେ ମୋର ଅନ୍ତର୍ଜାତୀୟ ଡେବ୍ୟୁର କିଛି ବର୍ଷ ପୂର୍ବରୁ ଗାଭାସ୍କର ଅବସର ନେଇଥିଲେ। ସେହିପରି ଭିଭିଆନ ରିଚାର୍ଡସଙ୍କ ବିପକ୍ଷରେ ନ ଖେଳି ପାରିବାକୁ ନେଇ ମଧ୍ୟ ମୁଁ ଦୁଃଖିତ। ତାଙ୍କ ସହ କାଉଣ୍ଟି କ୍ରିକେଟ ଖେଳିବାର ସୁଯୋଗ ପାଇ ସୌଭାଗ୍ୟବାନ କିନ୍ତୁ ଅନ୍ତର୍ଜାତୀୟ କ୍ରିକେଟରେ ତାଙ୍କ ବିପକ୍ଷରେ ନ ଖେଳିବାର ଦୁଃଖ ଥିଲା। ସେ ୧୯୯୧ରେ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥିଲେ। ମୁଁ ୧୯୮୯ରେ ଡେବ୍ୟୁ କରିଥିଲି। ତଥାପି ମୁଁ ତାଙ୍କ ବିପକ୍ଷରେ ଖେଳିବାର ସୁଯୋଗ ପାଇ ନ ଥିଲି।
୨୦୧୩ରେ ଅନ୍ତର୍ଜାତୀୟ କ୍ରିକେଟରୁ ସଚିନ ବିଦାୟ ନେଇଥିଲେ। ସେ ତାଙ୍କର ୨୪ ବର୍ଷର କ୍ୟାରିୟରରେ ୨୦୦ ଟେଷ୍ଟ, ୪୬୩ ଏକଦିବସୀୟ ଏବଂ ଏକ ଟି -୨୦ ଖେଳିଥିଲେ। ସେ ଅନ୍ତର୍ଜାତୀୟ କ୍ରିକେଟରେ ୩୪ ହଜାରରୁ ଅଧିକ ରନ ସଂଗ୍ରହ କରିଥିଲେ। ଟେଷ୍ଟରେ ସଚିନ ୫୧ ଶତକ ସହିତ ୧୫୯୨୧ ରନ ଏବଂ ଏକଦିବସୀୟରେ ୪୯ ଶତକ ସହ ୧୮୪୨୬ ରନ ସ୍କୋର କରିଥିଲେ। ସେ ଉଭୟ ଫର୍ମାଟରେ ସର୍ବାଧିକ ରନ ସ୍କୋରର ଅଟନ୍ତି।