ଆନନ୍ଦପୁର,୧।୧୧(ସ୍ବ.ପ୍ର.) ଦିନକୁ ଦିନ ବର୍ଦ୍ଧିତ ତୈଳ ଦରକୁ ନେଇ ଲୋକଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଉଥିବାବେଳେ ଅପମିଶ୍ରିତ ପେଟ୍ରୋଲକୁ ନେଇ ରବିବାର ଆନନ୍ଦପୁର ପୌରପରିଷଦ ଘସିପୁରା ଠାରେ ଉତ୍ତେଜନା ପ୍ରକାଶ ପାଇଛି। ଘସିପୁରା ଠାରେ ଥିବା ଅରବିନ୍ଦ ଫିଲିଂ ଷ୍ଟେଶନର ପାଣି ମିଶା ପେଟ୍ରୋଲକୁ ନେଇ ଉତ୍ତେଜନା ହୋଇଥିଲା। କଣ୍ଟିିପାଳ ବିରିଡିହାର ଅଜୟ ସେଠିଙ୍କ କହିବା ଅନୁଯାୟୀ, ୧୨୦ ଟଙ୍କାର ତେଲ ପକାଇଥିଲେ। ରାସ୍ତାରେ ଷ୍ଟାର୍ଟ ବନ୍ଦ ହେଇଯିବାରୁ ସୋରୁମ୍ରୁ ଗାଡିକୁ ଦେଖାଇବା ପରେ ପେଟ୍ରୋଲରେ ପାଣି ମିଶିଥିବା ଜାଣିବାକୁ ପାଇଥିଲେ। ଏହିଭଳି ସମ୍ପୃକ୍ତ ଟାଙ୍କିରେ ପେଟ୍ରୋଲ ଭରିଥିବା ୨୦ରୁ ଅଧିକ ଲୋକ ସମସ୍ୟାର ସମ୍ମୁଖୀନ ହୋଇଥିଲେ। ଏସମ୍ପର୍କରେ ଅରବିନ୍ଦ ଫିଲିଂ ଷ୍ଟେସନର ମାଲିକ ଅଜୟ ମିଶ୍ରଙ୍କୁ ପଚାରିବାରୁ ଟାଙ୍କିରେ ଆମେ ପାଣି ପୁରାଇନୁ, ପାଣି କେମିତି ଚାମ୍ବରରେ ଲିକ୍ କରି ପଶିଥାଇପାରେ ଯେଉଁମାନେ ତେଲ ପକାଇ ସମସ୍ୟାର ସମ୍ମୁଖୀନ ହୋଇଛନ୍ତି ସେମାନଙ୍କୁ କ୍ଷତିପୂରଣ ଦେବାକୁ କହିଛନ୍ତି। ଏହାପରେ ଉତ୍ତେଜନା ହ୍ରାସ ପାଇଥିଲା। ତେବେ ଅଞ୍ଚଳରେ ରହିଥିବା ଟାଙ୍କି ଗୁଡିକର ସୃଷ୍ଟି ହେଉଥିବା ସମସ୍ୟା ଦିଗରେ ବିଧିବଦ୍ଧ ଯାଞ୍ଚ ହୋଇପାରିଲେ ଅପମିଶ୍ରଣ ସମ୍ପର୍କିତ ତଥ୍ୟ ପଦାକୁ ଆସିପାରନ୍ତା ବୋଲି ସାଧାରଣରେ ଦାବି ହୋଇଛି।