ବାରିପଦା,୧୩ା୧୧(ନୀଳାଦ୍ରି ବିହାରୀ ଦଣ୍ଡପାଟ): ମୟୂରଭଞ୍ଜ ଜିଲା ବାରିପଦାରେ ଆକାଶ ଦୀପରୁ ନିଆଁଲାଗି ଏକ ଟେଣ୍ଟ ହାଉସ୍ ଜଳିଯାଇଛି। ନିଆଁର ପ୍ରକୋପ ଏତେ ଭୟଙ୍କର ଥିଲା ଯେ, ଲିଭାଇବା ପାଇଁ ୩ଟି ଅଗ୍ନିଶମ ଗାଡ଼ି ନିୟୋଜିତ ହୋଇଥିଲା।
ମିଳିଥିବା ସୂଚନା ମୁତାବକ, ଏକ ଆକାଶ ଦୀପ ଉଡ଼ିଆସି ବାରିପଦା ଟାଉନ ଥାନା ଅଧୀନ ୱାର୍ଡନଂ.୧୦ କାଳିମନ୍ଦିର ସାହିର ଜୁବୁଲିି ଲାଇବ୍ରେରି ନିକଟରେ ଥିବା ସ୍ବର୍ଣ୍ଣଲକ୍ଷ୍ମୀ ଟେଣ୍ଟ ହାଉସ୍ର କପଡ଼ା ଉପରେ ପଡ଼ିଥିଲା। ନିଆଁ ଲାଗିବା ଦେଖି ଟେଣ୍ଟ ହାଉସ ମାଲିକ ଅଗ୍ନିଶମ ବାହିନୀକୁ ଖବର ଦେଇଥିଲେ। ଖବର ପାଇ ଅଗ୍ନିଶମ ବିଭାଗ ଅଧିକାରୀ ଭବେନ୍ଦ୍ର ନାଥ ଦେଙ୍କ ନେତୃତ୍ୱରେ କର୍ମଚାରୀମାନେ ପହଞ୍ଚି ନିଆଁକୁ ଆୟତ୍ତ କରିଥିଲେ। ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ଟେଣ୍ଟ ହାଉସ୍ ସାମଗ୍ରୀ ପୋଡ଼ି ଯାଇଥିବା ସୂଚନା ମିଳିଛି।
