ଜୟପୁର,୨୪।୫: କରୋନାର ତୃତୀୟ ଲହର ଆଶଙ୍କା ନେଇ ଦେଶରେ ଆତଙ୍କ ସୃଷ୍ଟି ହୋଇଛି। ରାଜସ୍ଥାନର ଦୌସା ଏବଂ ଡୁଙ୍ଗରପୁର ଦୁଇ ଜିଲାରେ ୬୦୦ରୁ ଅଧିକ ଶିଶୁ କରୋନାରେ ଆକ୍ରାନ୍ତ ହୋଇଛନ୍ତି। ସେମାନଙ୍କଠାରେ କରୋନା ଲକ୍ଷଣ ପ୍ରକାଶ ପାଇଛି। ଏହାକୁ ନେଇ ରାଜ୍ୟ ସରକାରଙ୍କ ଚିନ୍ତା ବଢ଼ିବାରେ ଲାଗିଛି। ଦୌସା ଜିଲାରେ ମେ ୧ରୁ ୨୧ ମଧ୍ୟରେ ୧୮ ବର୍ଷରୁ କମ୍ ୩୪୧ ପିଲା କରୋନାରେ ଆକ୍ରାନ୍ତ ହୋଇଛନ୍ତି। ସେହିପରି ଡୁଙ୍ଗରପୁର ଜିଲାରେ ମେ‘ ୧୨ରୁ ୨୨ ମଧ୍ୟରେ ୨୫୫ ଛୋଟ ପିଲାଙ୍କ ନମୁନା ପରୀକ୍ଷା ରିପୋର୍ଟ କରୋନା ପଜିଟିଭ୍ ଆସିଛି। ରାଜ୍ୟ ସ୍ବାସ୍ଥ୍ୟ ବିଭାଗ ଏସମ୍ପର୍କରେ ସୂଚନା ଦିଆଯାଇଛି। ଡୁଙ୍ଗରପୁର ଜିଲାପାଳ ସୁରେଶ କୁମାର ଓଲା ଜିଲାରେ ଶିଶୁଙ୍କଠାରେ କରୋନା ସଂକ୍ରମଣ ସାଧାରଣ ଥିବା କହିଥିଲେ। ମାତ୍ର ସିଏମ୍ଓ ରାଜୋ ଶର୍ମା ଏହାକୁ ସ୍ବୀକାର କରିଛନ୍ତି।
