![](https://www.dharitri.com/wp-content/uploads/2022/10/q.jpg)
ଓ୍ବାଶିଂଟନ/ନୂଆଦିଲ୍ଲୀ,୧ା୧୦: ଭାରତର ବୈଦେଶିକ ବ୍ୟାପାର ମନ୍ତ୍ରୀ ଏସ୍ ଜୟଶଙ୍କର ନିକଟରେ ଆମେରିକାରୁ ଫେରିଛନ୍ତି। ତାଙ୍କ ଗସ୍ତ ସମୟରେ ସେ ଅନେକ ଥର ଭାରତର ପତାକା ଉତ୍ତୋଳନ କରିଥିଲେ। ସେ ଦେଶର ମୂଳ ସ୍ବାର୍ଥ ତଥା ବିଶ୍ୱସ୍ତରୀୟ ଚିନ୍ତାର ବିଷୟ କଥା ମଧ୍ୟ ଉଠାଇଥିଲେ। ସେ ମିଳିତ ଜାତିସଂଘରେ ସଂସ୍କାର ପ୍ରସଙ୍ଗ ଉଠାଇଥିଲେ କିନ୍ତୁ ଜୋ-ବାଇଡେନଙ୍କ ପ୍ରତିଶ୍ରୁତି ଉପରେ କୂଟନୈତିକ ଆତ୍ମବିଶ୍ୱାସ ମଧ୍ୟ ପ୍ରକାଶ କରିଥିଲେ। ନ୍ୟୁୟର୍କର ଏକ ଗଣମାଧ୍ୟମ ସହ କଥାବାର୍ତ୍ତା କରି ଜୟଶଙ୍କର ଆତଙ୍କବାଦ ଉପରେ ଭାରତର ଚିନ୍ତା ପ୍ରକଟ କରିଛନ୍ତି। ଆତଙ୍କବାଦ ରାଜନୈତିକ ହୋଇପାରିବ ନାହିଁ ବୋଲି ସେ କହିଛନ୍ତି। ରାଜନୀତିକରଣ କରାଯିବା ଉଚିତ ନୁହେଁ।
ଏହି ସମୟରେ ଜୟଶଙ୍କର କହିଛନ୍ତି, ୟୁଏନ୍ଏସ୍ସି ସଂସ୍କାର ଏକ ସାମୂହିକ ପ୍ରୟାସ। ଓ୍ବାଶିଂଟନରେ ଏକ ଖବରଦାତା ସମ୍ମିଳନୀରେ ସମ୍ବୋଧିତ କରି ସେ କହିଛନ୍ତି, ମୁଁ ଭାବୁଛି ଏହା ହେଉଛି ଏକ ସାମୂହିକ ପ୍ରୟାସ ଯାହା ମିଳିତ ଜାତିସଂଘର ସଦସ୍ୟମାନଙ୍କୁ କରିବାକୁ ପଡ଼ିବ ଏବଂ ଆମେ ସଂସ୍କାର ପାଇଁ ଚାପ ଜାରି ରଖିବୁ।