ନୂଆଦିଲ୍ଲୀ,୨୪।୧୦: ରବିବାର ଟି-୨୦ ବିଶ୍ୱକପରେ ଭାରତ ଓ ପାକିସ୍ତାନ ମଧ୍ୟରେ ମୁକାବିଲା ହେବାକୁ ଯାଉଛି। ଏହା ଉପରେ ସମଗ୍ର ବିଶ୍ୱର ନଜର ରହିଛି। ଯଦିଓ ଭାରତୀୟ କ୍ୟାପଟେନ୍ ବିରାଟ କୋହଲି ଏବଂ ପାକିସ୍ତାନ କ୍ରିକେଟ ଦଳର ଅଧିନାୟକ ବାବର ଆଜମ ଏହି ମ୍ୟାଚକୁ ଏକ ସାଧାରଣ ମ୍ୟାଚ ବୋଲି କହିଛନ୍ତି, କିନ୍ତୁ ଏହା ପାକିସ୍ତାନ ଏବଂ ଭାରତ ପାଇଁ ଏକ ସ୍ବତନ୍ତ୍ର ମ୍ୟାଚ ହେବାକୁ ଯାଉଛି।
ଉଭୟ ଦେଶର ନାଗରିକମାନେ ଦୁଇ-ତିନି ଦିନ ପୂର୍ବରୁ ନିଜ ନିଜ ଦଳର ବିଜୟ ଲାଗି ପ୍ରାର୍ଥନା କରିବା ଆରମ୍ଭ କରିଛନ୍ତି।
ଏପରିସ୍ଥଳେ ଯୋଗ ଗୁରୁ ବାବା ରାମଦେବ ଏକ ବଡ ବିବୃତ୍ତି ଦେଇଛନ୍ତି। ଟି -୨୦ ଭାରତ-ପାକ୍ ମ୍ୟାଚ୍ ସମ୍ପର୍କରେ ସେ କହିଛନ୍ତି ଯେ, ଏହି ମ୍ୟାଚ ରାଷ୍ଟ୍ରଧର୍ମର ବିରୁଦ୍ଧ।
ଆତଙ୍କବାଦ ଏବଂ ଖେଳ ଏକାଠି ହୋଇପାରିବ ନାହିଁ ବୋଲି ସେ କହିଛନ୍ତି। ନାଗପୁର ବିମାନବନ୍ଦରରେ ଗଣମାଧ୍ୟମ ପ୍ରତିନିଧିମାନଙ୍କ ପ୍ରଶ୍ନର ଉତ୍ତର ଦେଇ ବାବା ରାମଦେବ କହିଛନ୍ତି ଯେ ପାକିସ୍ତାନ ଭାରତରେ ଆତଙ୍କ ବିସ୍ତାର କରିବାକୁ ଚେଷ୍ଟା କରୁଛି। ତେଣୁ ଆତଙ୍କବାଦ ଏବଂ ଖେଳ ଏକାଠି ଖେଳାଯାଇପାରିବ ନାହିଁ ବୋଲି ସେ କହିଛନ୍ତି। ଖେଳା ଯାଉଥିବା ଏହି ମ୍ୟାଚ ଦେଶର ସ୍ବାର୍ଥରେ ନୁହେଁ, ଏହା ରାଷ୍ଟ୍ରଧର୍ମର ବିରୁଦ୍ଧ।
ଆଇସିସି ଟି -୨୦ ବିଶ୍ୱକପରେ ଭାରତ ଓ ପାକିସ୍ତାନ ପରସ୍ପରକୁ ୫ ଭେଟିଛନ୍ତି। ରବିବାର ଅନୁଷ୍ଠିତ ହେବାକୁ ଥିବା ଏହି ମ୍ୟାଚରେ ଦୁଇ ଦଳ ମଧ୍ୟରେ ଷଷ୍ଠ ଥର ପାଇଁ କଡ଼ା ମୁକାବିଲା ହେବ। ଏହି ମ୍ୟାଚକୁ ନେଇ ଉଭୟ ଦଳ ଉତ୍ସାହିତ ଅଛନ୍ତି।