ରଜୌରି,୧ ।୧: ଜମ୍ମୁ-କଶ୍ମୀରର ରାଜୌରିରେ ଆତଙ୍କବାଦୀମାନେ ଆକ୍ରମଣ କରିଛନ୍ତି । ବର୍ଷର ପ୍ରଥମ ଦିନରେ ଆତଙ୍କବାଦୀମାନେ ସାଧାରଣ ନାଗରିକଙ୍କୁ ଟାର୍ଗେଟ କରିଛନ୍ତି । ପ୍ରାଥମିକ ସୂଚନା ଅନୁଯାୟୀ, ଆତଙ୍କବାଦୀମାନେ ୪ ଜଣ ସାଧାରଣ ନାଗରିକଙ୍କୁ ଗୁଳି କରିବାରୁ ସେମାନେ ଆହତ ହୋଇଛନ୍ତି । ଏହାପରେ ଉକ୍ତ ଆତଙ୍କବାଦୀମାନେ ଘଟଣା ସ୍ଥଳରୁ ଫେରାର ହୋଇଯାଇଛନ୍ତି ।
ସୂଚନା ପାଇ ଘଟଣାସ୍ଥଳରେ ପହଞ୍ଚିଥିବା ସୁରକ୍ଷାକର୍ମୀ ସମଗ୍ର ଅଞ୍ଚଳକୁ ଘେରାବନ୍ଦୀ କରି ଆତଙ୍କବାଦୀଙ୍କୁ ଖୋଜୁଛନ୍ତି । ଏବେ ପର୍ଯ୍ୟନ୍ତ ଜଣାପଡିନାହିଁ କେଉଁ ଆତଙ୍କବାଦୀମାନେ ଏଭଳି ଘଟଣା ଘଟାଇଛନ୍ତି ।