ଶ୍ରୀନଗର,୩।୧୦:ଆତଙ୍କବାଦୀ ଏବଂ ସୁରକ୍ଷା ବାହିନୀ ମଧ୍ୟରେ ଜମ୍ମୁ କଶ୍ମୀରର ରାଜୌରୀ ଜିଲାର କାଲାକୋଟେ ଜଙ୍ଗଲ ଅଞ୍ଚଳରେ ସର୍ଚ୍ଚ ଅପରେଶନ ବେଳେ ଏକ ଏନକାଉଣ୍ଟର ହୋଇଛି। ଏଥିରେ ୯ ପାରା କମାଣ୍ଡୋ ସ୍ପେଶାଲ ୟୁନିଟର ୩ ସୈନିକ ଆହତ ହୋଇଛନ୍ତି। ପୋଲିସ ଅଧିକାରୀମାନେ ଏହି ସୂଚନା ଦେଇଛନ୍ତି। ସନ୍ଦେହଜନକ କାର୍ଯ୍ୟକଳାପ ସମ୍ପର୍କରେ ସୂଚନା ପାଇବା ପରେ ସୋମବାର ସକାଳେ କାଲାକୋଟ ଅଞ୍ଚଳରେ ପୋଲିସ କର୍ଡନ କରିଥିଲା। ସର୍ଚ୍ଚ ଅପରେଶନ ବିଳମ୍ବିତ ରାତିରେ ଏକ ଏନକାଉଣ୍ଟରରେ ପରିଣତ ହୋଇଥିଲା। ଏହି ଅଞ୍ଚଳରେ ଲୁଚି ରହିଥିବା ଆତଙ୍କବାଦୀମାନେ କର୍ଡନ ଭାଙ୍ଗିବାକୁ ଉଦ୍ୟମ କରି ବାହିନୀ ଉପରେ ଗୁଳି ଚଳାଇବା ଆରମ୍ଭ କରିଥିଲେ।
ସମସ୍ତ ସମ୍ଭାବ୍ୟ ପଳାୟନ ମାର୍ଗ ବନ୍ଦ କରିବାକୁ ଏହି ଅଞ୍ଚଳରେ ଅତିରିକ୍ତ ବାହିନୀ ନିୟୋଜିତ କରାଯାଇଛି। ଏହାପୂର୍ବରୁ କର୍ଡନ ଏବଂ ସର୍ଚ୍ଚ ଅପରେଶନ ସମୟରେ ଗୁଳି ବିନିମୟ ଶୁଣିବାକୁ ମିଳିଥିଲା, କିନ୍ତୁ ପରେ ଜଣାପଡିଥିଲା ଯେ ସନ୍ଦିଗ୍ଧ ଆତଙ୍କବାଦୀଙ୍କ ଉପସ୍ଥିତି ଯାଞ୍ଚ କରିବା ପାଇଁ ସୁରକ୍ଷା ବାହିନୀ ଗୁଳି ଚଳାଇଥିଲା।
