ରିୟାଦ,୨ ।୧୨: ଅଲକାଏଦାର ମୁଖ୍ୟଥିବା ଓସାମା ବିନ ଲାଦେନଙ୍କୁ ନେଇ ଏବେ ଏକ ବଡ ତଥ୍ୟ ସାମ୍ନାକୁ ଆସିଛି । ମୃତ୍ୟୁ ପରେ ବି ଲାଦେନଙ୍କୁ ନେଇ ଆଲୋଚନା ଥମୁନାହିଁ । ଏଥର ଯେଉଁ ତଥ୍ୟ ଆସିଛି ଏହା କୌଣସି ବାହାର ସୂତ୍ରରୁ ନୁହେଁ ବରଂ ଓସାମାଙ୍କ ପୁଅ ନିଜେ ଏହି ତଥ୍ୟ ଦେଇଛନ୍ତି । ଓସାମାଙ୍କ ପୁଅ ଉମର ଲାଦେନ କହିଛନ୍ତି ତାଙ୍କ ପିତା ସବୁବେଳେ ପିଲାଟିଦିନୁ ତାଙ୍କରି ପଥରେ ଯିବାକୁ ପୁଅକୁ ପ୍ରେରଣା ଦେଉଥିବା ସେ କହିଛନ୍ତି । ଯେତେବେଳେ ସେ ପିଲାଥିଲେ ସେତେବେଳେ ସେ ଆଫଗାନିସ୍ତାନରେ ତାଙ୍କର ବନ୍ଧୁକ ଚଲାଉଥିଲେ ଓ ତାଙ୍କ କୁକୁର ଉପରେ ରାସାୟନିକ ଅସ୍ତ୍ରର ପରୀକ୍ଷା କରୁଥିଲେ ।
ଲାଡେନଙ୍କ ପୁଅ ଉମର କତର ଯାତ୍ରା କରୁଥିବା ସମୟରେ ‘ଦ ସନ’ ସମାଚାର ପତ୍ରକୁ ଦେଇଥିବା ଏକ ଇଣ୍ଟରଭ୍ୟୁରେ ଏକ ବଡ ତଥ୍ୟ ସାମ୍ନାକୁ ଆସିଛି । ସେ କହିଛନ୍ତି ସେ ଜଣେ ‘ପୀଡ଼ିତ’ ଓ ତାଙ୍କ ପିତାଙ୍କ ସହ କଟାଇଥିବା ‘ଖରାପ ସମୟ’କୁ ଭୁଲିବାକୁ ଚେଷ୍ଟା କରୁଛନ୍ତି ।
ସୂଚନାଯୋଗ୍ୟ, ପେଶାରେ ଚିତ୍ରକର ୪୧ ବର୍ଷିୟ ଚିତ୍ରକର ଉମର ଲାଦେନ ଏବେ ଫ୍ରାନ୍ସରେ ନିଜ ପତ୍ନୀ ଜୈନାଙ୍କ ସହ ରହୁଛନ୍ତି । ଏକ ଇଣ୍ଟରଭ୍ୟୁରେ ସେ କହିଛନ୍ତି, ଓସାମା ବିନ ଲାଦେନ ତାଙ୍କ କାମକୁ ଆଗକୁ ନେବାକୁ ଏହି ପୁଅ ହିଁ ଉପଯୁକ୍ତ ବୋଲି ସେ କହୁଥିଲେ । ହେଲେ ସେ ନ୍ୟୁୟର୍କରେ ୧୧ ସେପ୍ଟେମ୍ବରରେ ଆତଙ୍କବାଦୀ ଆକ୍ରମଣର କିଛି ସମୟ ପୂର୍ବରୁ ଏପ୍ରିଲ ୨୦୦୧ରେ ଆଫଗାନିସ୍ତାନ ଛାଡି ଦେବାର ନିଷ୍ପତ୍ତି ନେଇଥିଲେ ଓ ଏଥିରେ ସେ ସଫଳ ହୋଇଥିଲେ ।
