କାବୁଲ,୨୮।୧ : ପୁଞ୍ଜି ନିବେଶ ନେଇ ଆଫଗାନିସ୍ତାନରେ ଚାଇନାର ଚିନ୍ତା ବଢ଼ିବାରେ ଲାଗିଛି। ସ୍ଥାନୀୟ ଆତଙ୍କବାଦୀ ସଂଗଠନ ଚାଇନାକୁ ଟାର୍ଗେଟ କରୁଥିବାରୁ ପୁଞ୍ଜି ନିବେଶ କରିବାରେ ବାଧା ସୃଷ୍ଟି ହୋଇଛି। ଚାଇନା କମ୍ପାନୀ ଶିନଜିଆଙ୍ଗ ସେଣ୍ଟ୍ରାଲ ଏସିଆ ପେଟ୍ରୋଲିୟମ ଆଣ୍ଡ ଗ୍ୟାସ ପକ୍ଷରୁ ତୈଳ ସନ୍ଧାନ ପାଇଁ ଆଫଗାନିସ୍ତାନ ସରକାରଙ୍କ ସହିତ ୨୫ ବର୍ଷର ବୁଝାମଣା କରିଛି। ଦେଶର ଉତ୍ତର ପଶ୍ଚିମ ଅଞ୍ଚଳରେ ଥିବା ଆମୁ ନଦୀର ଅବବାହିକାରେ ତୈଳ ସନ୍ଧାନ ପାଇଁ ଚାଇନା ୧୫ କୋଟି ଡଲାର ପୁଞ୍ଜି ନିବେଶ କରିବ।
ଆତଙ୍କବାଦୀ ସଂଗଠନ ଚାଇନାର ଏଭଳି କାର୍ଯ୍ୟକୁ ବିରୋଧ କରୁଛନ୍ତି। ଫଳରେ ପରିଯୋଜନାର କାର୍ଯ୍ୟ ଆଗେଇ ନେବାରେ ଚାଇନା ଏବଂ ତାଲିବାନ ସରକାରଙ୍କ ପାଇଁ କଷ୍ଟକର ହେଉଛି।
