ନୂଆଦିଲ୍ଲୀ,୧୪।୧: ଆମେରିକାର ଇଲେକ୍ଟ୍ରିକ କାର ନିର୍ମାଣକାରୀ କମ୍ପାନୀ ଟେସ୍ଲା ଭାରତ ବଜାରରେ ପ୍ରବେଶ କରିଛି। ଏହା ବିଶ୍ୱର ସବୁଠାରୁ ବଡ ଇ-କାର୍ ନିର୍ମାତା। ଟେସ୍ଲା ଇଣ୍ଡିଆ ମୋଟର୍ସ ଏବଂ ଏନର୍ଜି ପ୍ରାଇଭେଟ ଲିମିଟେଡ୍ ବାଙ୍ଗାଲୋରରେ ଏକ ଅଫିସ ସ୍ଥାପନ କରିବା ସହ ପଞ୍ଜୀକରଣ କରାଇଛି। ଏଠାରେ କମ୍ପାନୀ ଏକ ରସର୍ଚ୍ଚ ଏବଂ ଡେଭଲପମେଣ୍ଟ ୟୁନିଟ ସହ ମାନୁଫାକ୍ଚରିଂ ଆରମ୍ଭ କରିବାକୁ ଯୋଜନା ରଖିଛି। କମ୍ପାନୀ ଏଠାରେ ବିଳାସପୂର୍ଣ୍ଣ ଇ-କାର୍ ପ୍ରସ୍ତୁତ କରିବା ସହ କାରବାର ଆରମ୍ଭ କରିବ। ଏହା ଭାରତ ବଜାରରେ ମଡେଲ ୩ ଲଞ୍ଚ କରିପାରେବ। କର୍ନାଟକ ମୁଖ୍ୟମନ୍ତ୍ରୀ ବି.ଏସ୍.ୟେଦୁରପା ଟେସ୍ଲାକୁ ସ୍ବାଗତ ଜଣାଇଛନ୍ତି। ବୈଭବ ତନେଜା, ଭେଙ୍କଟ ରଙ୍ଗମ ଶ୍ରୀରାମ, ଭେଡିଡ୍ ଜନ୍ ଫେଷ୍ଟିନ ଏହାର ନିର୍ଦ୍ଦେଶକ ରହିଛନ୍ତି। ତଜେନା ଟେସ୍ଲାରେ ସିଏଫ୍ଓ ଭାବେ ଅବସ୍ଥାପିତ ରହିଛନ୍ତି। ସେହିଭଳି ଷ୍ଟେଶିନ ଗ୍ଲୋବାଲ ସିନିୟର ଡାଇରେକ୍ଟର ରହିଛନ୍ତି। ୨୦୨୧ରେ ଟେସ୍ଲା ଭାରତ ବଜାରରେ ପ୍ରବେଶ କରିବ ବୋଲି ଏହାର ସିିଇଓ ଟୁଇଟ ଯୋଗେ ସୂଚନା ଦେଇଥିଲେ। ୨୦୧୯ରେ ଭାରତ ବଜାରରେ ପ୍ରବେଶ ନେଇ ସେ ପ୍ରଥମେ ଆଭାସ ଦେଇଥିଲେ। ୨୦୨୦ରେ କରୋନା ଯୋଗୁ କମ୍ପାନୀ ଭାରତ ଆସିବାରେ ପ୍ରତିବନ୍ଧକ ସୃଷ୍ଟି କରିଥିଲା।