ନୂଆଦିଲ୍ଲୀ,୨୨।୧୨ : କେନ୍ଦ୍ର ଶିକ୍ଷା ଓ ଦକ୍ଷତା ବିକାଶ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ ଉଚ୍ଚଶିକ୍ଷା ପାଇଁ ପୁସ୍ତକ ୧୨ଟି ଭାରତୀୟ ଭାଷାରେ ତଥା ଆଦିବାସୀ ଭାଷାରେ ଉପଲବ୍ଧ ହେବ। ବିଶ୍ୱବିଦ୍ୟାଳୟ ଅନୁଦାନ ଆୟୋଗ (ୟୁଜିସ) ଏସବୁର ଅନୁବାଦ କରିବ। ସେ କେନ୍ଦ୍ର ସରକାରଙ୍କ ଆଦିବାସୀ କଲ୍ୟାଣ ଯୋଜନା ବିଷୟରେ ଆଲୋଚନା କରି ଏସମ୍ପର୍କରେ ସୂଚନା ପ୍ରଦାନ କରିଛନ୍ତି।
ସେ କହିଛନ୍ତି ଯେ ଜାତୀୟ ଶିକ୍ଷା ନୀତି (ଏନଇପି) ଅଧୀନରେ ସ୍ଥାନୀୟ ଭାଷାରେ ଶିକ୍ଷାକୁ ପ୍ରୋତ୍ସାହିତ କରାଯାଉଛି ଯାହା ଆଦିବାସୀ ସମ୍ପ୍ରଦାୟ ପାଇଁ ମଧ୍ୟ ଲାଭଦାୟକ ହେବ। ବିଦ୍ୟାଳୟ ଶିକ୍ଷା ଏବଂ ଇଞ୍ଜିନିୟରିଂ କଲେଜଗୁଡ଼ିକରେ ଆଦିବାସୀ ଭାଷାରେ ଏନସିଇଆରଟି ପ୍ରଥମ ବର୍ଷର ପାଠ୍ୟ ପୁସ୍ତକ ଯୋଗାଇବା କାର୍ଯ୍ୟ ଦ୍ରୁତ ଗତିରେ ଚାଲିଛି। ଦୁଇଟି ଆଦିବାସୀ ବିଶ୍ୱବିଦ୍ୟାଳୟ ମଧ୍ୟ ଏହା ଆରମ୍ଭ ହୋଇଛି।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାର ଆଦିବାସୀ କଲ୍ୟାଣ ପାଇଁ ବଜେଟକୁ ଯଥେଷ୍ଟ ବୃଦ୍ଧି କରିଛନ୍ତି। ୨୦୧୪ ମସିହାରେ, ପ୍ରାୟ ୧୮ ହଜାର କୋଟିର ବଜେଟ ବ୍ୟବସ୍ଥା କରାଯାଇଥିଲା, ଯାହା ସମ୍ପ୍ରତି ୯୧ ହଜାର କୋଟିରୁ ଅଧିକ ହୋଇଛି। ଏହା ସହିତ ସମଗ୍ର ଦେଶରେ ୧୦ ଟି ଆଦିବାସୀ ସଂଗ୍ରହାଳୟ ମଧ୍ୟ ଖୋଲାଯାଇଛି।
ପ୍ରଧାନମନ୍ତ୍ରୀ ଗ୍ରାମ ଯୋଜନା ଅଧୀନରେ, ୫୦ ପ୍ରତିଶତରୁ ଅଧିକ ଆଦିବାସୀ ଜନସଂଖ୍ୟା ବିଶିଷ୍ଟ ୩୪,୬୨୮ ଟି ଗ୍ରାମ ମୌଳିକ ସୁବିଧା ସହିତ ସଂଯୁକ୍ତ ହୋଇଛି।