ଥାଇଲାଣ୍ଡର ୬୮ ବର୍ଷୀୟ ରାଜା ମହା ଭାଜିରାଲଙ୍ଗକର୍ନ ନିଜ ୩୨ ବର୍ଷୀୟା ପ୍ରେମିକା ସିନିନଟ ଓ୍ବଙ୍ଗଭାଜିରାପକଡିଙ୍କୁ ତାଙ୍କ ଜନ୍ମଦିନରେ ସ୍ବତନ୍ତ୍ର ଉପହାର ଦେଇଛନ୍ତି। ରାଜା ମହା ତାଙ୍କୁ ମୁକୁଟ ପିନ୍ଧାଇ ଦେଶର ଦ୍ୱିତୟ ରାଣୀ କରିଛନ୍ତି। ସିନିନଟ ଓ୍ବଙ୍ଗଭାଜିରାପକଡି ପୂର୍ବରୁ ଅନେକ ବିବାଦରେ ରହିଛନ୍ତି। ସେ ୨୦୧୯ରେ ଥାଇ କିଙ୍ଗର ପ୍ରଥମ ରାଣୀଙ୍କ ଶୋଭାଯାତ୍ରାକୁ ଭଣ୍ଡୁର କରିବାକୁ ଚେଷ୍ଟା କରିଥିଲେ। ଏହି କାରଣରୁ ତାଙ୍କୁ ଗିରଫ ମଧ୍ୟ କରାଯାଇଥିଲା। ସିନିନଟ ଥାଇଲାଣ୍ଡର ପାଇଲଟ ଭାବରେ ତାଲିମ ନେଇଛନ୍ତି। ଏଥିସହ ସେ ଥାଇ କିଙ୍ଗ୍ର ରୟାଲ ବଡିଗାର୍ଡ ୟୁନିଟରେ କାମ କରିଛନ୍ତି। ୨୦୧୯ରେ ତାଙ୍କର ପଦୋନ୍ନତି ହୋଇ ତାଙ୍କୁ ମେଜର ଜେନେରାଲ କରାଯାଇଥିଲା। ଚମତ୍କାର କ୍ୟାରିୟର ଥିବା ସତ୍ତ୍ୱେ ସେ ଅନେକ ବିବାଦର ସମ୍ମୁଖୀନ ହୋଇଥିଲେ। ଗତ ମାସରେ ତାଙ୍କ ନ୍ୟୁଡ୍ ସେଲ୍ଫି ଇଣ୍ଟରନେଟ୍ରେ ଲିକ୍ ହୋଇଥିଲା। ଏଥିସହ ଥାଇଲାଣ୍ଡ ରାଜାଙ୍କ ସହ ତାଙ୍କର ଘନିଷ୍ଠତା ସମୟର ଫଟୋ ମଧ୍ୟ ଭାଇରାଲ ହୋଇଥିଲା।