ସାଉଥ୍ ଅଭିନେତା ଥଲାପତି ବିଜୟ ରାଜନୀତିରେ ଯୋଗ ଦେବା ଚର୍ଚ୍ଚା ଭିତରେ ଟ୍ରାଫିକ୍ ନିୟମ ଭାଙ୍ଗିଛନ୍ତି। ପାନିୟରରେ ଭିଏମଆଇ ସଦସ୍ୟଙ୍କୁ ଭେଟି ଘରକୁ ଫେରୁଥିବାବେଳେ ବିଜୟ ଦୁଇଟିରୁ ଅଧିକ ସ୍ଥାନରେ ଟ୍ରାଫିକ୍ ନିୟମ ଭାଙ୍ଗିଥିଲେ। ଫଳରେ ବିଜୟଙ୍କୁ ମଧ୍ୟ ଜୋରିମନା କରାଯାଇଛି।
କୁହାଯାଉଛି, ବିଜୟ ତାଙ୍କୁ ପିଛା କରୁଥିବା ପ୍ରଶଂସକଙ୍କଠାରୁ ରକ୍ଷା ପାଇବା ପାଇଁ ରେଡ ଲାଇଟ ସିଗନାଲ ଭାଙ୍ଗିଥିଲେ। ତାଙ୍କ ପ୍ରଶଂସକମାନେ ପାନାୟୁରରୁ ନୀଲଙ୍ଗାରାଇସ୍ଥିତ ତାଙ୍କ ଘର ପର୍ଯ୍ୟନ୍ତ ଫଲୋ କରିଥିଲେ ଏବଂ ଏଥିରୁ ରକ୍ଷା ପାଇବା ପାଇଁ ବିଜୟ ଏବଂ ତାଙ୍କ ଡ୍ରାଇଭର ଟ୍ରାଫିକ ନିୟମକୁ ଭାଙ୍ଗି ଥିଲେ। ଏହି କାରଣରୁ ଟ୍ରାଫିକ ନିୟମ ଉଲ୍ଲଂଘନ କରି ବିଜୟଙ୍କ ଉପରେ ୫୦୦ ଟଙ୍କା ଜରିମାନା କରାଯାଇଛି। ଏଥି ସହିତ ଅଭିନେତାଙ୍କ କାର ଏବଂ ଚ୍ୟାଲେଞ୍ଜର କିଛି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ଚଳଚ୍ଚିତ୍ର ଛାଡିବା ଏବଂ ରାଜନୀତିରେ ତାଙ୍କର ଯାତ୍ରା ଆରମ୍ଭ କରିବା ଖବର ପାଇଁ ବିଜୟ ବର୍ତ୍ତମାନ ଚର୍ଚ୍ଚାରେ ଅଛନ୍ତି। ‘ଲିଓ’ର ଶୁଟିଂ ଶେଷ କରିବା ପରେ ସେ ବିଜୟ ମକ୍କାଲ ଆଇୟାକକମ (ଭିଏମଆଇ) ର ସଦସ୍ୟମାନଙ୍କୁ ମଧ୍ୟ ଭେଟିଥିଲେ। ସେ ଦଳର ସଦସ୍ୟଙ୍କ ସହ ଆଲୋଚନା କରିଥିଲେ। ରାଜନୀତିରେ ପ୍ରବେଶ କରିବା ପରେ ବିଜୟ ତାଙ୍କ ଅଭିନୟ କ୍ୟାରିୟର ଜାରି ରଖିବେ ନାହିଁ।