କଲମ୍ବୋ, ୨୪।୨(ପି.ଟି.)-ଶ୍ରୀଲଙ୍କାର ଭେଟେରାନ ଓପନର ଉପୁଲ ଥରଙ୍ଗା ମଙ୍ଗଳବାର ଅନ୍ତର୍ଜାତୀୟ କ୍ରିକେଟରୁ ତାଙ୍କର ଅବସର ଘୋଷଣା କରିଛନ୍ତି। ସେ ତାଙ୍କ ୧୫ବର୍ଷ କ୍ୟାରିୟରରେ କିଛି ସମୟ ଦଳର ଅଧିନାୟକ ଦାୟିତ୍ୱ ତୁଲାଇଛନ୍ତି। ୩୬ବର୍ଷୀୟ ଥରଙ୍ଗା ହେଉଛନ୍ତି ଜଣେ ବାମହାତୀ ବ୍ୟାଟ୍ସମ୍ୟାନ। ଶ୍ରୀଲଙ୍କା ତରଫରୁ ସେ ୩୧ ଟେଷ୍ଟ ଖେଳି ୨୧.୮୯ ଆଭରେଜରେ ୧୭୫୪ ରନ କରିଛନ୍ତି। ସେ ୨୦୦୫ ଡିସେମ୍ବରରେ ଅହମ୍ମଦାବାଦରେ ଭାରତ ବିପକ୍ଷରେ ତାଙ୍କ ଟେଷ୍ଟ ପଦାର୍ପଣ କରିଥିଲେ। ପୁନଶ୍ଚ ସେ ସମାନ ଦଳ ବିପକ୍ଷରେ ତାଙ୍କ ଅନ୍ତିମ ଟେଷ୍ଟ ମ୍ୟାଚ ୨୦୧୭ରେ ପାଲିକେଲ୍ଠାରେ ଖେଳିଥିଲେ। ଥରଙ୍ଗା ଅନ୍ତର୍ଜାତୀୟ ଦିନିକିଆରେ ବିଶେଷ ସଫଳତା ହାସଲ କରିଛନ୍ତି। ୨୦୦୫ ଅଗଷ୍ଟରେ ଓ୍ବେଷ୍ଟଇଣ୍ଡିଜ ବିପକ୍ଷରେ ତାଙ୍କ ପଦାର୍ପଣ ମ୍ୟାଚ ଖେଳିଥିଲେ। ସେ ୨୩୫ ମ୍ୟାଚ ଖେଳି ୩୩.୭୪ ଆଭରେଜରେ ୬୯୫୧ ରନ ସଂଗ୍ରହ କରିଥିଲେ। ସେ ତାଙ୍କ ଅନ୍ତଜର୍ର୍ାତୀୟ ଦିନିକିଆ କ୍ୟାରିୟରରେ ୧୫ ଶତକ ଓ ୩୭ ଅର୍ଦ୍ଧଶତକ ହାସଲ କରିଛନ୍ତି। ଥରଙ୍ଗା ଆହୁରି ମଧ୍ୟ ଶ୍ରୀଲଙ୍କା ପାଇଁ ୨୬ ଅନ୍ତର୍ଜାତୀୟ ଟି୨୦ ଖେଳି ୪୦୭ରନ କରିଛନ୍ତି। ତାଙ୍କର ବ୍ୟକ୍ତିଗତ ଶ୍ରେଷ୍ଠ ସ୍କୋର ୪୭ରନ ରହିଛି।
