କୋଲକତା,୨୫।୫: ଆଇପିଏଲ ୨୦୨୨ର କ୍ୱାଲିଫାୟାର୍-୧ ମ୍ୟାଚରେ ଗୁଜରାଟ ଟାଇଟାନ୍ସ (ଜିଟି) ରାଜସ୍ଥାନ ରୟାଲ୍ସ (ଆର୍ଆର୍)କୁ ୭ ଉଇକେଟରେ ପରାସ୍ତ କରି ଫାଇନାଲ ଟିକେଟ ପାଇଛି। ଗୁଜରାଟ ଟାଇଟାନ୍ସ (ଜିଟି)ର ଏହି ବିଜୟ ପରେ ଦଳର ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଏବେ ବହୁତ ଖୁସି ଅଛନ୍ତି। ଦଳକୁ ଫାଇନାଲକୁ ପହଞ୍ଚାଇବା ବରେ ତାଙ୍କ ନାମ ବିକ୍ରି ହେଉଛି ବୋଲି ପାଣ୍ଡ୍ୟା କହିଛନ୍ତି। ହାର୍ଦ୍ଦିକ ପାଣ୍ଡ୍ୟା କହିଛନ୍ତି, ଲୋକମାନେ ମୋ ନାଁରେ ଅନେକ କଥା କହିବେ। ଏହା ସେମାନଙ୍କର କାମ। ମୁଁ କିଛି କରିପାରିବି ନାହିଁ। ମୋ ନାଁ ସର୍ବଦା ବିକ୍ରି ହୁଏ ଏବଂ ମୋର ଏଥିରେ କୌଣସି ଅସୁବିଧା ନାହିଁ ବୋଲି ସେ କହିଛନ୍ତି।
ମୁମ୍ବାଇ ଇଣ୍ଡିଆନ୍ସ ସହିତ ସଫଳତା ପରେ ୨୦୧୬ରେ ଅନ୍ତର୍ଜାତୀୟ ଡେବ୍ୟୁ କରିଥିବା ପାଣ୍ଡ୍ୟାଙ୍କୁ ବିଶ୍ୱକପ ବିଜେତା ଅଧିନାୟକ କପିଲ ଦେବଙ୍କ ସହ ତୁଳନା କରାଯାଇଥିଲା। ତା’ପରେ ୨୦୧୯ରେ, ‘କଫି ସହ କରଣ’ରେ ମହିଳାଙ୍କ ବିଷୟରେ ତାଙ୍କର ଅପମାନଜନକ ମନ୍ତବ୍ୟ ପାଇଁ ତାଙ୍କୁ ନିଲମ୍ବିତ କରାଯାଇଥିଲା। ପରେ ସେ କ୍ଷମା ମାଗିଥିଲେ।
ସେ ଭାରତ ପାଇଁ ଖେଳିଥିବା ଶେଷ ମ୍ୟାଚ ନଭେମ୍ବର ୮ରେ ଦୁବାଇରେ ଚାଲିଥିବା ଟି-୨୦ ବିଶ୍ୱକପରେ ନାମ୍ବିଆ ବିପକ୍ଷରେ ହୋଇଥିଲା। ସେବେଠାରୁ ଅଣ୍ଟା ଅପରେଶନ ହେତୁ ତାଙ୍କୁ ବୋଲିଂରେ ସଂଘର୍ଷ କରୁଥିବା ଦେଖାଯାଇଥିଲା। ମୁମ୍ବାଇ ଇଣ୍ଡିଆନ୍ସରୁ ମୁକ୍ତ ହେବା ପରେ ଗୁଜରାଟ ତାଙ୍କୁ ଆଇପିଏଲ ସିଜିନ୍ ପୂର୍ବରୁ ମେଗା ନିଲାମରେ ୧୫ କୋଟି ଟଙ୍କାରେ କିଣିଥିଲା।
ସେ କହିଛନ୍ତି, ମାହି ଭାଇ ମୋ ଜୀବନରେ ଏକ ବଡ଼ ଭୂମିକା ଗ୍ରହଣ କରିଛନ୍ତି। ସେ ମୋ ପାଇଁ ଭାଇ, ବନ୍ଧୁ ଏବଂ ପରିବାର ପରି। ମୁଁ ତାଙ୍କଠାରୁ ବହୁତ ଭଲ ଜିନିଷ ଶିଖିଲି। ବ୍ୟକ୍ତିଗତ ଭାବରେ, ମୁଁ କେବଳ ଦୃଢ ଼ ରହି ଏହି ସବୁ ଜିନିଷର ସାମ୍ନା କରିପାରିବି। ଏହି ସିଜିନ୍ରେ ପାଣ୍ଡ୍ୟା ହାରାହାରି ୪୫ରୁ ଅଧିକ ୪୫୩ ରନ ସଂଗ୍ରହ କରିଛନ୍ତି। ସେ ୫ଟି ଉଇକେଟ ନେଇଥିଲେ।