ନୂଆଦିଲ୍ଲୀ,୨୮।୬: ଶୁକ୍ରବାର ସଂସଦ ଅଧିବେଶନର ପଞ୍ଚମ ଦିନ। ପେପର ଲିକ ବିବାଦ ଉପରେ ଆଲୋଚନା ପାଇଁ କଂଗ୍ରେସ ଏମପି ମଲ୍ଲିକାର୍ଜୁନ ଖାର୍ଗେ ଏବଂ ରାହୁଲ ଗାନ୍ଧୀ ସରକାରଙ୍କୁ ଟାର୍ଗେଟ କରିଥିଲେ। ଏହା ପରେ ଶୁକ୍ରବାର ନିଟ ପ୍ରସଙ୍ଗରେ ଉତ୍ତେଜନା ମଧ୍ୟରେ ସଂସଦର ଉଭୟ ଗୃହ ମଧ୍ୟାହ୍ନ ପର୍ଯ୍ୟନ୍ତ ସ୍ଥଗିତ ରଖାଯାଇଥିଲା। ନିଟ ପ୍ରସଙ୍ଗରେ ରାଜ୍ୟ ସଭାରେ ବିରୋଧୀ ବହୁ ହଟ୍ଟଗୋଳ ସୃଷ୍ଟି କରିଥିଲେ। ଏହି ସମୟରେ ଏକ ଆଶ୍ଚର୍ଯ୍ୟଜନକ ଘଟଣା ଘଟିଗଲା । ଟିଏମସି ଏମପି ସାଗାରିକା ଘୋଷଙ୍କୁ ଦେଖିବା ପରେ ରାଜ୍ୟ ସଭା ଅଧ୍ୟକ୍ଷ ଜଗଦୀପ ଧନକର କଡା ମନ୍ତବ୍ୟ ଦେଇଛନ୍ତି।
ସୂଚନାଯୋଗ୍ୟ, ରାଜ୍ୟ ସଭାରେ ଅଧିବେଶନ ସମୟରେ ଏମପିମାନେ ନିଟ ଉପରେ ଆଲୋଚନା ପାଇଁ ଦାବି କରି ବେଲ ନିକଟରେ ପହଞ୍ଚି ଯାଇଥିଲେ। ଏମାନଙ୍କ ମଧ୍ୟରେ ସାଗାରିକା ଘୋଷ ସାମିଲ ଥିଲେ। ସାଗାରିକା ଘୋଷଙ୍କୁ ବେଲରେ ଦେଖିବା ପରେ ଚେୟାରମ୍ୟାନ ଜଗଦୀପ ଧନକର ରାଗି ଯାଇଥିଲେ। ଏହା ପରେ ସେ ପଚାରିଲେ, ଆପଣ ଏଥିପାଇଁ ସଂସଦକୁ ଆସିଛନ୍ତି କି। ତଥାପି, ଏହା ପରେ ମଧ୍ୟ, ନିଟ ଉପରେ ଗୃହରେ ଉତ୍ତେଜନା ଚାଲିଥିଲା ।