ଗଞ୍ଜାମ,୨।୪(ବିଦ୍ୟାଧର ସାହୁ): ଗଞ୍ଜାମ ସହରର ପ୍ରସିଦ୍ଧ ଶ୍ରୀ ଶ୍ରୀ ମା’ ଦକ୍ଷିଣ ଦଣ୍ଡକାଳୀଙ୍କ ୧୩ ଦିନବ୍ୟାପି ଦଣ୍ଡ ଯାତ୍ରା ବୁଧବାର ଶୁଭାରମ୍ଭ ହୋଇଛି l ଦାମୋଦରପୁର କଲେଜ ରୋଡ଼ସ୍ଥିତ ମା’ଙ୍କ ମନ୍ଦିରରୁ ବାହାରି ରାମେଶ୍ୱର ମନ୍ଦିରକୁ ଯାଇ ବାବା ରାମେଶ୍ୱରଙ୍କୁ ଆବାହନ କରି ପ୍ରଭୁଙ୍କୁ ନେଇ ସହର ପରିକ୍ରମା ସହ ମାନସିକ ଧାରି ଓଡ଼ିଆ ଢମଣା ସାହି ବାସିନ୍ଦା ବିଷ୍ଣୁ ପ୍ରସାଦ ସେଠିଙ୍କ ଧୂଳି ଦଣ୍ଡ ସହ ରାତ୍ରିରେ ରାମଲିଙ୍ଗେଶ୍ୱର ନାଟ୍ୟ କଳା ସଂସଦ ତରଫରୁ ଚଳିତ ବର୍ଷର ସାମାଜିକ ନାଟକ ‘ମୁଁ ମଲା ପରେ କାନ୍ଦିବ କିଏ’ ମଞ୍ଚସ୍ଥ ହୋଇଥିଲା। ମା’ ଦକ୍ଷିଣ ଦଣ୍ଡକାଳୀ ମନ୍ଦିର ପରିଚାଳନା ଦାୟିତ୍ୱରେ ଥିବା ଭୀମ ରେଡି, ସନ୍ତୋଷ ସାହୁ, ତ୍ରିନାଥ ରାଉଳ,ବିଷ୍ଣୁ ପ୍ରସାଦ ସେଠି,ପ୍ରଭାତ କୁମାର ସାହୁ,ଆଦେୟ ରେଡି, ଶିବ ଶଙ୍କର ପରିଡା, ରଞ୍ଜନ ବେହେରା ଓ ମନ୍ଦିରର ସମସ୍ତ ସଦସ୍ୟ ଉପସ୍ଥିତ ରହି ସୁଚାରୁ ରୂପେ ପରିଚାଳନା କରିଥିଲେ l ଆସନ୍ତା ବିଷୁବ ସଂକ୍ରାନ୍ତିରେ ମା’ଙ୍କ ଯାତ୍ରା ଉଦଯାପିତ ହେବ ବୋଲି ସାମାଜିକ କର୍ମୀ ତଥା ଦଣ୍ଡକାଳୀ ସେବକ ପ୍ରଭାତ କୁମାର ସାହୁ ସୂଚନା ଦେଇଛନ୍ତି l
