ହିଞ୍ଜିଳିକାଟୁ,୧୭ା୯(ଡି.ଏନ୍.ଏ.): ହିଞ୍ଜିଳିକାଟୁ ପୌରାଞ୍ଚଳ ସମେତ ବ୍ଳକର ବିଭିନ୍ନ ଶକ୍ତିପୀଠରେ ଶନିବାରଠାରୁ ଆରମ୍ଭ ହୋଇଛି ଷୋଡ଼ଶ ଉପଚାର ପୂଜା। ଆଜିଠାରୁ ବିଜୟାଦଶମୀ ଯାଏ ସମସ୍ତ ଶକ୍ତିପୀଠରେ ୧୬ଟି ବେଶରେ ମା’ ଦର୍ଶନ ଦେବେ। ଶ୍ୟାମଳାଇ, କରେଇଞ୍ଜେଇ ଶକ୍ତିପୀଠରେ ମଧ୍ୟ ମା’ଙ୍କ ଷୋଡ଼ଶ ଉପଚାର ପୂଜା ଆଜିଠାରୁ ଆରମ୍ଭ ହୋଇଛି। କନକ ଦୁର୍ଗା ମନ୍ଦିରରେ ଶାରଦୀୟ ପୂଜା ନିମନ୍ତେ ପୂଜା କମିଟି ସହ ଭକ୍ତଙ୍କ ମଧ୍ୟରେ ପ୍ରଥମ ଦିନ ଦର୍ଶନ ନିମନ୍ତେ ଉତ୍ସାହ ଦେଖିବାକୁ ମିଳିଛି। ଷୋଡ଼ଶ ଉପଚାର ପୂଜାର ଏହି ୧୬ଦିନର ପୂଜା ସମୟରେ ମା’ଙ୍କୁ ବିଭିନ୍ନ ମନ୍ତ୍ର,ତନ୍ତ୍ରରେ ଆବାହନ କରାଯାଇଥାଏ। ପ୍ରତ୍ୟେକ ଦିନ ମା’ଙ୍କୁ ଭିନ୍ନ ଭିନ୍ନ ବେଶରେ ସଜ୍ଜିତ ମଧ୍ୟ କରାଯାଇଥାଏ।