୩୦ ବର୍ଷୀୟା ଜଣେ ମହିଳା ସାଧାରଣ ଜୀବନ ବିତାଉଥିଲେ। ୯ ବର୍ଷର ବୈବାହିକ ଜୀବନ ବିତାଇବା ପରେ ହଠାତ୍ ଦିନେ ଜାଣିବାକୁ ପାଇଲେ ସେ ମହିଳା ନୁହଁ, ପୁରୁଷ ବୋଲି। ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ଏହା ସତ। ଏପରି ଘଟଣା ଦେଖିବାକୁ ମିଳିଛି ପଶ୍ଚିମବଙ୍ଗର ବୀରଭୂମରେ। ତେବେ ଜାଣନ୍ତୁ ଏସବୁ କିପରି ଘଟିଲା।
ଏଠାକାର ଜଣେ ମହିଳାଙ୍କ ପେଟ ଦରଜ ହେବାରୁ ସେ ଚିକିତ୍ସା ପାଇଁ ଡାକ୍ତରଙ୍କ ନିକଟକୁ ଯାଇଥିଲେ। ଡାକ୍ତର ପରୀକ୍ଷା ସମୟରେ କହିଥିଲେ, ସେ ମହିଳା ନୁହନ୍ତି ପୁରୁଷ ବୋଲି। ଯେଉଁ କ୍ୟାନ୍ସର କି ପୁରୁଷମାନଙ୍କୁ ହୋଇଥାଏ।
ସବୁଠୁ ଆଶ୍ଚର୍ଯ୍ୟର କଥା ହେଉଛି ଏହି ମହିଳାଙ୍କ ୨୮ ବର୍ଷୀୟା ଭଉଣୀ ବି ପୁରୁଷ ଭାବେ ଚିହ୍ନଟ ହୋଇଥିଲେ। ପରୀକ୍ଷା କରିବାରୁ ଜଣାପଡ଼ିଥିଲା ଏହି ଦୁଇ ଭଉଣୀ ଆଣ୍ଡ୍ରୋଜେନ୍ ଇନ୍ସେଟିଭିଟି ସିଣ୍ଡ୍ରୋମ୍(ଏଆଇଏସ୍) ରୋଗରେ ପୀଡ଼ିତ। ଏଆଇଏସ୍ର ବିଶେଷଜ୍ଞମାନେ କୁହନ୍ତି, ଏହା ବିରଳ ରୋଗ। ଜନ୍ମ ସମୟରେ ଏମାନଙ୍କ ଜିନ୍ ପୁରୁଷ ହୋଇଥାଏ। କିନ୍ତୁ ଶରୀର ମହିଳାଙ୍କ ପରି ବିକାଶ ହୋଇଥାଏ।
ପଶ୍ଚିମବଙ୍ଗ ବୀରଭୂମରେ ରହୁଥିବା ୩୦ ବର୍ଷୀୟା ମହିଳା ୯ ବର୍ଷ ହେଲା ସୁଖୀ ଦାମ୍ପତ୍ୟ ଜୀବନ ବିତାଉଥିଲେ। ପେଟ ଦରଜ ହେବାରୁ ଚିକିତ୍ସା ପାଇଁ ସେ ନେତାଜୀ ସୁଭାଷ ଚନ୍ଦ୍ର ବୋଷ କ୍ୟାନ୍ସର ହସ୍ପିଟାଲ ଯାଇଥିଲେ। ଏହି ହସ୍ପିଟାଲର ଡାକ୍ତର ଅନୁପମ ଦତ୍ତ ଏବଂ ଡାକ୍ତର ସୌମେନ୍ ଦାସ ପରୀକ୍ଷା କରି ଜାଣିଥିଲେ ଏହି ମହିଳା ଜଣକ ପୁରୁଷ। ଡାକ୍ତରଙ୍କ କହିବା ଅନୁସାରେ, ବାହାରକୁ ଏମାନେ ଦେଖିବାକୁ ମହିଳା। ତାଙ୍କ କଣ୍ଠସ୍ବର, ଶରୀର ଏବଂ କିଛି ଅଙ୍ଗ ମହିଳାଙ୍କ ପରି। ମାତ୍ର ୟୁଟ୍ରେସ୍ ଏବଂ ଅଣ୍ଡକୋଶ ନ ଥାଏ। ଦୁଇ ଡାକ୍ତର କହିଛନ୍ତି, ଏହି ମହିଳାଙ୍କୁ ଟେଷ୍ଟିକ୍ୟୁଲାର କ୍ୟାନସର ହୋଇଛି। ଯାହା ପୁରୁଷଙ୍କୁ ହୋଇଥାଏ। ଏହି ରୋଗ ୨୨ ହଜାର ଲୋକଙ୍କ ମଧ୍ୟରେ ଜଣକୁ ହୋଇଥାଏ।
