ବିବେକ ଅଗ୍ନିହୋତ୍ରୀଙ୍କ ନିର୍ଦ୍ଦେଶିତ ଫିଲ୍ମ ‘ଦ କଶ୍ମୀର ଫାଇଲ୍ସ’ ମୁକ୍ତି ଲାଭକୁ ବର୍ଷେ ପରେ ମଧ୍ୟ ଏହି ଫିଲ୍ମ ଦେଖିବାକୁ ହଲ୍ରେ ଲୋକଙ୍କ ଭିଡ଼ ଲାଗି ରହୁଛି। ଫିଲ୍ମ ନୂଆ ନୂଆ ରେକର୍ଡ କରି ଚାଲିଛି। କୋଭିଡ-୧୯ର ସ୍ଥିତି ପରେ ବକ୍ସ ଅଫିସ୍ରେ ବଛ ବଛା ହିଟ୍ ଫିଲ୍ମ ମଧ୍ୟରେ ‘ଦ କଶ୍ମୀର ଫାଇଲ୍ସ’ ଅନ୍ୟତମ। ମାସେ ପରେ ଫିଲ୍ମ ୨୫୦ କୋଟି ଆୟ କରି ସାରିଛି।
୯୦ ଦଶକର କଶ୍ମୀର ପଣ୍ଡିତଙ୍କ ପଳାୟନ ଓ ତାଙ୍କର ନରସଂହାର ଉପରେ ଫିଲ୍ମ ଏହି ନିର୍ମାଣ କରାଯାଇଛି। ଫିଲ୍ମର ବଜେଟ ପାଖାପାଖି ୧୫ କୋଟି ଟଙ୍କା। ସୋମବାର ଟ୍ରେଡ ଆନାଲିଷ୍ଟ ତରଣ ଆଦର୍ଶ ଟୁଇଟ୍ କରି କହିଛନ୍ତି, ଫିଲ୍ମ ଏକ ଲ୍ୟାଣ୍ଡମାର୍କ ହାସଲ କରିଛି। ସେ ଲେଖିଛନ୍ତି ମହାମାରୀ ପରେ ‘ଦ କଶ୍ମୀର ଫାଇଲ୍ସ ପ୍ରଥମ ଫିଲ୍ମ ଯାହା ୨୫୦କୋଟି ଟଙ୍କା ଅତିକ୍ରମ କରି ସାରିଛି । ଏହି ସପ୍ତାହରେ କୌଣସି ବଡ଼ ଫିଲ୍ମର ରିଲିଜ ନ ହେବାରୁ ଶନିବାର ଓ ରବିବାର ଏହାର ବ୍ୟବସାୟ ବଢ଼ିବାରେ ସାହାଯ୍ୟ କରିଛି । ସୀମିତ ଶୋଜ ଓ ସ୍କ୍ରିନ୍ସ ସହ ୫ ସପ୍ତାହ , ଶୁକ୍ରବାର ୫୦ ଲକ୍ଷ , ଶନିବାର ୮୫ଲକ୍ଷ , ରବିବାର ୧.୧୫କୋଟି ଟଙ୍କା । ମୋଟ ୨୫୦.୭୩ କୋଟି ଆୟ କରିଛି।