ଇଣ୍ଡିଆନ ପ୍ରିମିୟର ଲିଗର ୧୪ତମ ସଂସ୍କରଣ ୨୦୨୧ ଚେନ୍ନାଇରେ ଏପ୍ରିଲ ୯ରୁ ଆରମ୍ଭ ହେବ। ପ୍ରଥମ ମ୍ୟାଚ ଡିଫେଣ୍ଡିଂ ଚାମ୍ପିଅନ ତଥା ଆଇପିଏଲର ସଫଳତମ ଦଳ ମୁମ୍ବାଇ ଇଣ୍ଡିଆନ୍ସ ଏବଂ ରୟାଲ ଚ୍ୟାଲେଞ୍ଜର୍ସ ମଧ୍ୟରେ ହେବ। କିମ୍ବଦନ୍ତୀ ଖେଳାଳିମାନେ ସେମାନଙ୍କର ଚମତ୍କାର ଖେଳ ସହିତ ପ୍ରଶଂସକମାନଙ୍କ ମନୋରଞ୍ଜନ କରିବେ। ଟି -୨୦ କ୍ରିକେଟକୁ ବ୍ୟାଟ୍ସମ୍ୟାନଙ୍କ ଖେଳ ଭାବରେ ବିବେଚନା କରାଯାଏ, କିନ୍ତୁ ଏପରି କିଛି ବୋଲର ଅଛନ୍ତି, ଯାହାଙ୍କ ବିପକ୍ଷରେ ବ୍ୟାଟ୍ସମ୍ୟାନ ରନ ସ୍କୋର କରିବା ସହଜ ହୋଇ ନ ଥାଏ। ଏହି ବୋଲରମାନେ ନିଜ ବୋଲିଂ ଜରିଆରେ ବ୍ୟାଟ୍ସମ୍ୟାନଙ୍କୁ ହଇରାଣ କରନ୍ତି। ଆସନ୍ତୁ ଜାଣିବା ଇଣ୍ଡିଆନ ପ୍ରିମିୟର ଲିଗର ସେହି ୫ ବୋଲରଙ୍କ ସମ୍ପର୍କରେ ଯେଉଁମାନେ ପାୱାରପ୍ଲେରେ ସବୁଠାରୁ କଞ୍ଜୁସ୍ ବୋଲିଂ କରିଛନ୍ତି।
ପାୱାରପ୍ଲେରେ ସବୁଠାରୁ କଞ୍ଜୁସ୍ ବୋଲର ହେଉଛନ୍ତି ରାଜସ୍ଥାନ ରୟାଲ୍ସର ଜୋଫ୍ରା ଆର୍ଚର। ପାୱାରପ୍ଲେରେ ଜୋଫ୍ରା ଆର୍ଚରଙ୍କ ବୋଲିଂ ହାର ପ୍ରତି ଓଭର ପ୍ରତି ୫.୪ ରନ ଅଟେ। ଆଇପିଏଲ ଇତିହାସରେ ଆର୍ଚର ହେଉଛି ଏକମାତ୍ର ବୋଲର ଯିଏକି ପାୱାରପ୍ଲେରେ ଓଭର ପିଛା ୬ରୁ କମ ଆଭରେଜ୍ ରହିଛି।
ଆଇପିଏଲ ମ୍ୟାଚର ପାୱାର୍ ପ୍ଲେରେ ଦ୍ରୁତ ବୋଲରଙ୍କ ତାଲିକାରେ ଭାରତୀୟ ଦ୍ରୁତ ବୋଲର ଭୁବନେଶ୍ୱର କୁମାର ଦ୍ୱିତୀୟ ସ୍ଥାନରେ ଅଛନ୍ତି। ନିଜ ସ୍ବିଙ୍ଗ ସହିତ ବ୍ୟାଟ୍ସମ୍ୟାନଙ୍କୁ ଆଉଟ୍ କରୁଥିବା ଭୁଭି ପାୱାର୍ ପ୍ଲେରେ ଓଭର ପ୍ରତି ମାତ୍ର ୬ ରନ ଦେଇଥାନ୍ତି।
ପାୱାରପ୍ଲେରେ କଞ୍ଜୁସ୍ ରନ ଦେଇଥିବା ତୃତୀୟ ବୋଲର ହେଉଛନ୍ତି କୋଲକାତା ନାଇଟ ରାଇଡର୍ସ ଅଫ ସ୍ପିନର ସୁନୀଲ ନରେନ୍। ଏହି ତାଲିକାରେ ସ୍ଥାନ ପାଇବା ପାଇଁ ନରେନ୍ ହେଉଛି ଏକମାତ୍ର ସ୍ପିନର। ପାୱାରପ୍ଲେରେ ନରେନ୍ଙ୍କ ଆଭ୍ରେଜ୍ ପ୍ରତି ଓଭରରେ ୬.୩ ରନ ଅଟେ।
ପାୱାରପ୍ଲେରେ ଭଲ ବୋଲିଂ କରିବାର ରେକର୍ଡ ଡେଲ ଷ୍ଟେନ ଏବଂ ଲାସିଥ ମାଲିଙ୍ଗାଙ୍କ ନାଁରେ ରହିଛି । ଉଭୟ ବୋଲର ପାୱାରପ୍ଲେରେ ଓଭର ପିଛା ୬.୩ ରନ୍ ଦେଇଛନ୍ତି।