ଚାନ୍ଦବାଲି, ୩ା୧୦(ଡି.ଏନ.ଏ.)-ନାବାଳିକା ଅପହରଣ ଓ ବଳାକତ୍ାର ମାମଲାରେ ଗିରଫ ହୋଇଥିବା ଅଭିଯୁକ୍ତ ଶୁକ୍ରବାର ବିଳମ୍ବିତ ରାତିରେ ଚାନ୍ଦବାଲି ଥାନାରୁ ଚମ୍ପଟ ମାରିଛନ୍ତି। ପୋଲିସ ବିଭିନ୍ନ ସ୍ଥାନରେ ଚଢାଉ କରିଥିଲେ ମଧ୍ୟ ତାଙ୍କୁ ଗିରଫ କରିବାରେ ସଫଳ ହୋଇନାହିଁ।
ସୂଚନାଯୋଗ୍ୟ, ଭଦ୍ରକ ଜିଲା ଚାନ୍ଦବାଲି ଥାନା ଅଞ୍ଚଳର ଜଣେ ନାବାଳିକାଙ୍କୁ ଗୋବିନ୍ଦପୁର ଗଁାର ଅଜୟ ନାୟକ ପ୍ରାୟ ୧ମାସ ତଳେ ଅପହରଣ କରିନେଇ ବଳାକତ୍ାର କରିଥିଲେ। ଏନେଇ ନାବାଳିକାଙ୍କ ପରିବାର ଲୋକେ ଥାନାରେ ଅଭିଯୋଗ କରିବା ପରେ ଏକ ମାମଲା ରୁଜୁ ହୋଇଥିଲା। ଚାନ୍ଦବାଲି ପୋଲିସ ପୁରୀ ଜିଲା ନିମାପଡ଼ାରୁ ଅଜୟ ଓ ନାବାଳିକାଙ୍କୁ ଧରି ଚାନ୍ଦବାଲି ଥାନାକୁ ଆଣିଥିଲା ା ଅଭିଯୁକ୍ତ ଅଜୟ ନାୟକ ପରିସ୍ରା ଯିବା ବାହାନାରେ ଥାନାରୁ ଚମ୍ପଟ ମାରିଛନ୍ତି। ନାବାଳିକାଙ୍କ ଡାକ୍ତରୀମାଇନା କରାଯାଇଛି। ପୋଲିସ ଜାଣିଶୁଣି ଅଭିଯୁକ୍ତଙ୍କୁ ଖସାଇ ଦେଇଥିବା ନାବାଳିକାଙ୍କ ପରିବାର ଲୋକେ ଅଭିଯୋଗ ଆଣିଛନ୍ତି ା ନାବାଳିକାଙ୍କ ଗାଁର କେତେଜଣ ଲୋକ ଶନିବାର ଆସି ଚାନ୍ଦବାଲି ଥାନା ସମ୍ମୁଖରେ ପାଟିତୁଣ୍ଡ କରିଥିଲେ ା ପୋଲିସ ଅଭିଯୁକ୍ତଙ୍କୁ ଗିରଫ ନ କଲେ ପୀଡ଼ିତାଙ୍କ ପରିବାର ପକ୍ଷରୁ ଥାନା ଆଗରେ ଆମତ୍ାହୁତି ଦେବାକୁ ଚେତାବନୀ ଦେଇଛନ୍ତି। ଏସ୍ଡିପିଓ ଉମାଶଙ୍କର ମହାରଣା କହିଛନ୍ତି, ଏନେଇ ଥାନାରେ ଅନ୍ୟ ଏକ ମାମଲା ରୁଜୁ କରାଯାଇ ଅଭିଯୁକ୍ତଙ୍କୁ ଖୋଜା ଚାଲିଛି ା
