ସାଉଥ୍ ଫିଲ୍ମ ସୁପରଷ୍ଟାର କମଲ ହାସନ ଆଜି ୬୭ତମ ଜନ୍ମଦିନ ପାଳନ କରୁଛନ୍ତି। ସେ ୭ ନଭେମ୍ବର ୧୯୫୪ରେ ତାମିଲନାଡୁର ପାରାମକୁଡିରେ ଜନ୍ମଗ୍ରହଣ କରିଥିଲେ। ସେ ତାମିଲ ସିନେମାଠାରୁ ବଲିଉଡ ପର୍ଯ୍ୟନ୍ତ ସେ ନିଜର ଚମତ୍କାର ଅଭିନୟର ଦକ୍ଷତା ଦେଖାଇଛନ୍ତି। କମଲ ନିଜ କ୍ୟାରିୟରେ ଥରେ ଏମିତି କିଛି ସିନ୍ କରିଥିଲେ, ଯାହା ଚର୍ଚ୍ଚାରେ ଥିଲା।
ସାଉଥ୍ ଅଭିନେତ୍ରୀ ରେଖା ଏବଂ କମଲ ହାସନ ଫିଲ୍ମ ‘ପୁନ୍ନାଗଇ ମାନ୍ନନ’ରେ କାମ କରିଥିଲେ। ଏହି ଫିଲ୍ମ ସହିତ ଜଡିତ ଏକ ଭିଡିଓ ଭାଇରାଲ ହୋଇଥିଲା। ଭିଡିଓରେ ସେ କମଲଙ୍କ ସହ ଶୁଟିଂ ହୋଇଥିବା ଚୁମ୍ବନ ବିଷୟରେ କଥାବାର୍ତ୍ତା ହୋଇଥିବା ଦେଖିବାକୁ ମିଳିଥିଲା। ଭିଡିଓରେ ରେଖା କହିଥିଲେ ଯେ ଫିଲ୍ମର ଚୁମ୍ବନ ଦୃଶ୍ୟ ତାଙ୍କ ବିନା ଅନୁମତିରେ କରାଯାଇଛି। ଏହି ଘଟଣା ତାଙ୍କୁ ଆଶ୍ଚର୍ଯ୍ୟ କରିଥିଲା। ପରେ ଏନେଇ ସେ ଫିଲ୍ମର ନିର୍ଦ୍ଦେଶକଙ୍କ ନିକଟରେ ଅଭିଯୋଗ କରିଥିଲେ। ରେଖାଙ୍କୁ ସେତେବେଳେ ମାତ୍ର ୧୬ ବର୍ଷ ହୋଇଥିଲା। ସେ ନିର୍ଦ୍ଦେଶକଙ୍କୁ କହିଥିଲେ ଯେ ସେ ଏହି ଦୃଶ୍ୟ ବିଷୟରେ ଜାଣି ନ ଥିଲେ। ପରେ ନିର୍ଦ୍ଦେଶକ କହିଥିଲେ ଭାବିନିଅ ଏକ ବଡ ରାଜା ଛୋଟ ପିଲାକୁ ଚୁମ୍ବନ ଦେଇଛନ୍ତି।
ରେଖାଙ୍କ ଠାରୁ ଭିଡିଓରେ ମଧ୍ୟ ପ୍ରଶ୍ନ କରାଯାଇଥିଲା ଯେ ସେ ଏଥିପାଇଁ ନିର୍ମାତା ଏବଂ ସେମାନଙ୍କୁ କ୍ଷମା ମାଗିଛନ୍ତି କି? ଜବାବରେ ରେଖା କହିଥିଲେ ସେମାନେ କାହିଁକି କ୍ଷମା ମାଗିବେ? ଚଳଚ୍ଚିତ୍ରଟି ଏକ ସୁପର ହିଟ ହେଲା। ଏହା ପରେ ସେ ଅନେକ ଚଳଚ୍ଚିତ୍ର ପାଇଲେ।