ବେଳେ ବେଳେ ସିରିଏଲ୍ରେ ରୋମାନ୍ସ କରୁଥିବା କଳାକାର ବାସ୍ତବ ଜୀବନରେ ଜଣେ ଅନ୍ୟଜଣଙ୍କୁ ଭଲପାଇ ବସନ୍ତି। ପରେ ଏହି ଯୋଡ଼ି ବିବାହ ପାଇଁ ନିଷ୍ପତ୍ତି ନେଇଥାନ୍ତି। ଠିକ ସେହିପରି ଷ୍ଟାର ପ୍ଲସ ସିରିଏଲ୍ ‘ୟେ ରିସ୍ତା କ୍ୟା କେହେଲାତା ହୈ’ର ଅଭିନେତା ସଞ୍ଜୀବ ସେଟ୍ ଓ ଅଭିନେତ୍ରୀ ଲତା ସାବରଓ୍ବାଲଙ୍କ କ୍ଷେତ୍ରରେ ଘଟିଛି। ସଞ୍ଜୀବ ତାଙ୍କର ପ୍ରଥମ ସ୍ତ୍ରୀଙ୍କଠାରୁ ଲତାଙ୍କୁ ବିବାହ କରିବାକୁ ଅନୁମତି ନେଇ ଲତାଙ୍କୁ ବିବାହ କରିଛନ୍ତି।
ଉଭୟ‘ୟେ ରିସ୍ତା କ୍ୟା କେହେଲାତା ହୈ’ରେ ସ୍ବାମୀ-ସ୍ତ୍ରୀ ଭୂମିକାରେ ଅଭିନୟ କରିଥିଲେ। ପରେ ପରସ୍ପରକୁ ଭଲପାଇ ବସିଥିଲେ। କିନ୍ତୁ ବିବାହ ଏତେଟା ସରଳ ନ ଥିଲା କାରଣ ପୂର୍ବରୁ ସଞ୍ଜିବ ବିବାହ କରିଥିଲେ ଏବଂ ତାଙ୍କର ଦୁଇଟି ସନ୍ତାନ ଥିଲେ।
ସଞ୍ଜୀବ ପ୍ରଥମେ ଅଭିନେତ୍ରୀ ରେଶ୍ମା ଟିପନିସଙ୍କୁ ବିବାହ କରିଥିଲେ। ସେମାନଙ୍କ ବୟସରେ ୧୨ ବର୍ଷର ପାର୍ଥକ୍ୟ ଥିଲା। ରେଶ୍ମା ସଞ୍ଜୀବଙ୍କୁ ମାତ୍ର ୨୦ ବର୍ଷ ବୟସରେ ବିବାହ କରିଥିଲେ। ୧୧ ବର୍ଷ ପରେ ଦୁହେଁ ପରସ୍ପରଠାରୁ ଅଲଗା ହୋଇଗଲେ।
ଲତା ସାବରୱାଲଙ୍କ ପ୍ରେମରେ ପଡ଼ିବା ପରେ ସଞ୍ଜୀବ ତାଙ୍କୁ ଦୀର୍ଘ ସମୟ ପର୍ଯ୍ୟନ୍ତ ପ୍ରସ୍ତାବ ଦେଇ ନ ଥିଲେ। ସଞ୍ଜୀବ ଭୟ କରୁଥିଲେ ଯେ ଏହା ତାଙ୍କ ପ୍ରେମ ଉପରେ ପ୍ରଭାବ ପକାଇପାରେ। ଲତାଙ୍କୁ ପ୍ରସ୍ତାବ ଦେବା ପୂର୍ବରୁ ସେ ନିଜ ସନ୍ତାନ ଏବଂ ପ୍ରଥମ ସ୍ତ୍ରୀଙ୍କ ସହ ଏ ବିଷୟରେ କଥା ହୋଇଥିଲେ। ସେମାନଙ୍କଠାରୁ ବିବାହ କରିବାକୁ ଅନୁମତି ଆଣିଥିଲେ।
ସଞ୍ଜୀବଙ୍କ ଏହି ଆଚରଣ ଦେଖି ତାଙ୍କ ପରିବାର ବହୁତ ଖୁସି ହେଲେ। ଏହା ପରେ ସଞ୍ଜୀବ ଲତାଙ୍କୁ ବିବାହ ପ୍ରସ୍ତାବ ଦେଇଥିଲେ। ତାଙ୍କର ପ୍ରଥମ ସ୍ତ୍ରୀ ମଧ୍ୟ ଏଥିରେ ଖୁସି ହୋଇଥିଲେ। ୨୦୧୦ରେ ସଞ୍ଜୀବ ଏବଂ ଲତା ବିବାହ କରିଥିଲେ। ସେବେଠାରୁ ଦୁହେଁ ପରସ୍ପର ସହିତ ସୁଖମୟ ଜୀବନ ବିତାଉଛନ୍ତି।