ଶାହାରୁଖ ଖାନଙ୍କୁ ବଲିଉଡର କିଙ୍ଗ ଖାନ କୁହାଯାଏ। ଏହି ପଦବୀ ହାସଲ ପାଇଁ ସେ କଠିନ ପରିଶ୍ରମ କରିଛନ୍ତି। ପିଲାଦିନ ଦିଲ୍ଲୀରେ ବିତାଇଥିବା ଶାହାରୁଖ ମୁମ୍ବାଇର ଫିଲ୍ମ ଇଣ୍ଡଷ୍ଟ୍ରିରେ କାମ କରିବାର ସ୍ବପ୍ନ ଦେଖିଥିଲେ ଏବଂ ସେ ମଧ୍ୟ ତାଙ୍କର ଏହି ସ୍ବପ୍ନକୁ ପୂରଣ କରିଥିଲେ।
କିଙ୍ଗ ଖାନ ଦିଲ୍ଲୀରେ ଅଧ୍ୟୟନ କରିଥିଲେ। ସେ ସେଣ୍ଟ କୋଲୁମ୍ବା ସ୍କୁଲରୁ ପାଠପଢ଼ା ସମାପ୍ତ କରିଥିଲେ। ଖେଳରେ ମଧ୍ୟ ବହୁତ ଆଗରେ ଥିଲେ। ବର୍ତ୍ତମାନ ଶାହାରୁଖ ମୁମ୍ବାଇରେ ରୁହନ୍ତି। ତାଙ୍କ ‘ଇନର ଓ୍ବାଲ୍ଡ ଶାହରୁଖ ଖାନ’ ଡକୁମେଣ୍ଟାରୀରେ ଅନେକ କିଛି ଶେୟାର କରିଥିଲେ। ଯେଉଁଠାରେ ତାଙ୍କ ସ୍କୁଲ ଦିନ ସହ ଜଡିତ ଅନେକ କଥା ପ୍ରକାଶ ପାଇଥିଲା।
ଶାହାରୁଖଙ୍କ ସହ କଥାବାର୍ତ୍ତା ବେଳେ ତାଙ୍କ ବିଦ୍ୟାଳୟର ଜଣେ ପରିଚିତ ବ୍ୟକ୍ତି ତାଙ୍କୁମର୍ଡନ୍ ସ୍କୁଲର ଛାତ୍ରମାନଙ୍କ ସହ ଜଡିତ ଏକ ଘଟଣା ମନେ ପକାଇ ଦେଇଥିଲେ। ଶାହାରୁଖଙ୍କ ସହ କଥାବାର୍ତ୍ତା କରି ସେ କହିଥିଲେ, ‘ମନେ ଅଛି ମର୍ଡନ୍ ସ୍କୁଲର ଛାତ୍ରଛାତ୍ରୀଙ୍କ ଦାନ୍ତ ଭାଙ୍ଗି ଦେଇଥିଲେ। ଏହା ଶୁଣିବା ମାତ୍ରେ ଶାହାରୁଖ ହସିବାକୁ ଲାଗିଲେ।
ଏହା ବ୍ୟତୀତ ଶାହରୁଖ ସ୍କୁଲ ମ୍ୟାନେଜମେଣ୍ଟର ଜଣେ ବ୍ୟକ୍ତିଙ୍କ ସହ କଥାବାର୍ତ୍ତା କରୁଥିବା ବେଳେ ସେ ସ୍କୁଲକୁ ଫେରିବେ ଏବଂ ପୁଅ ଆୟାନଙ୍କୁ ମଧ୍ୟ ସାଙ୍ଗରେ ଆଣିବେ ବୋଲି ପ୍ରତିଶୃତି ଦେଇଛନ୍ତି।
ଏକ ସାକ୍ଷାତକାରରେ ଶାହାରୁଖ ତାଙ୍କ ବିଦ୍ୟାଳୟ ବିଷୟରେ ଅନେକ ପୁରୁଣା କଥା କହିଥିଲେ। ସେ କହିଥିଲେ ଯେ ସ୍କୁଲ ସମୟରେ ତାଙ୍କୁ ‘ମେଲ ଗାଡି’ ରଖାଯାଇଥିଲା। ଶାହରୁଖ କହିଛନ୍ତି, କାରଣ ସେ ଏକ୍ସପ୍ରେସ ଟ୍ରେନ୍ ପରି ଦୌଡୁଥିଲେ ଏବଂ ତାଙ୍କ ଆଗ କେଶ ସବୁବେଳେ ଛିଡା ହୋଇଥିଲା।
ଶାହାରୁଖ ଏହା ମଧ୍ୟ ପ୍ରକାଶ କରିଛନ୍ତି ଯେ ସେ, ବିଦ୍ୟାଳୟର ଦୁଷ୍ଟ ପିଲାମାନଙ୍କ ମଧ୍ୟରୁ ଜଣେ। ସେ କହିଥିଲେ, ‘ମୁଁ ମୋର ଶିକ୍ଷକମାନଙ୍କୁ ବହୁତ ହଇରାଣ କରିଛି। ମୁଁ ଥରେ ମୋର ରସାୟନ ବିଜ୍ଞାନ ଶିକ୍ଷକଙ୍କୁ କହିଲି ମୋତେ ଭଲ ମାର୍କ ଦିଅ କାରଣ ମୁଁ ତାଙ୍କ ପୁଅ ପରି । ମୁଁ ପ୍ରାୟତଃ ଶ୍ରେଣୀରେ ବେହୋସ ହେବାର ଛଳନା କରୁଥିଲି । ଶିକ୍ଷକ ମୋତେ ଜୋତା ବାହାର କରି ସୁଙ୍ଘାଉଥିଲେ। ଥରେ ଜଣେ ନୂତନ ଶିକ୍ଷକ ଆସିଲେ ଏବଂ ମୁଁ ଉଦ୍ଦେଶ୍ୟମୂଳକ ଭାବେ ବେହୋସ ହୋଇଗଲି। ସେହି ସମୟରେ ସମସ୍ତ ପିଲା ଶିକ୍ଷକଙ୍କୁ କହିଥିଲେ, ଯଦି ସେ ଜୋତା କାଢ଼ନ୍ତି ନାହିଁ, ତେବେ ସେ ମରିଯିବିିି, ଏଥିଲାଗି ଶିକ୍ଷକ ଦିନସାରା ବିନା ଜୋତାରେ ଦୌଡ଼ିଥିଲେ। ଶାହାରୁଖ ୨୦୧୯ରେ ତାଙ୍କ ବିଦ୍ୟାଳୟକୁ ଯାଇଥିଲେ ଯେଉଁଠାରେ ସେ ଅନେକ ଛାତ୍ରଙ୍କୁ ଭେଟିଥିଲେ।
