ବଲିଉଡ୍ ଅଭିନେତା ରଣବୀର କପୁର ନିକଟରେ ଅଭିନେତ୍ରୀ ଆଲିଆ ଭଟ୍ଟଙ୍କ ସହ ବିବାହ ବନ୍ଧନରେ ବାନ୍ଧି ହୋଇଛନ୍ତି। ଆଲିଆଙ୍କୁ ନିଜ ଜୀବନସାଥୀ କରିବା ପୂର୍ବରୁ ତାଙ୍କ ଜୀବନରେ ଅନେକ ଝିଅ ଆସିଥିଲେ । ଏମିତିକି କେତେ ଜଣଙ୍କ ସହ ତାଙ୍କ ଫଟୋ ମଧ୍ୟ ଭାଇରାଲ ହୋଇଥିଲା । ସେମାନଙ୍କ ମଧ୍ୟରୁ ଅନ୍ୟତମ ଥିଲେ ପାକିସ୍ତାନୀ ଅଭିନେତ୍ରୀ ମାହିରା ଖାନ ।
ମାହିରାଙ୍କ ଫ୍ୟାନ ଏବଂ ଫଲୋର୍ସ ବହୁତ ଅଧିକ । ମାହିରା ବଲିଉଡ ଫିଲ୍ମ ‘ରୟିସ’ରେ ମଧ୍ୟ କାମ କରିସାରିଛନ୍ତି । ତାଙ୍କର ଏହି ଫିଲ୍ମକୁ ଦର୍ଶକ ବେଶ ପସନ୍ଦ କରିଥିଲେ। ରଣବୀରଙ୍କ ସହ ତାଙ୍କର କିଛି ଫଟୋ ଭାଇରାଲ ହୋଇଥିଲା । ଯାହାକୁ ନେଇ ସୋଲିଆଲ ମିଡିଆରେ ବେଶ ଚର୍ଚ୍ଚା ହୋଇଥିଲା ।
ମାହିରା ଖାନ ନ୍ୟୁୟର୍କରେ ରଣବୀର କପୁରଙ୍କ ସହ ଦେଖା ହୋଇଥିଲେ । ସେହି ସମୟରେ ଉଭୟଙ୍କ ଫଟୋ ମଧ୍ୟ ଭାଇରାଲ ହୋଇଥିଲା । ଫଟୋରେ ଉଭୟ ସିଗାରେଟ ଟାଣୁଥିବାର ନଜର ଆସିଥିଲେ । ଏହି ଫଟୋ ସାମ୍ନାକୁ ଆସିବା ପରେ ମାହିରା ଏବଂ ରଣବୀରଙ୍କ ସମ୍ପର୍କକୁ ନେଇ ଚର୍ଚ୍ଚା ଜୋର ଧରିଥିଲା । ଏହି ଫଟୋ ସହ ରଣବୀରଙ୍କ ବାପା ଅଭିନେତା ଋଷି କପୁରଙ୍କ ପ୍ରତିକ୍ରିୟା ମଧ୍ୟ ଭାଇରାଲ ହୋଇଥିଲା ।
ଋଷି କପୁର କହିଥିଲ ଯେ, ରଣବୀର ଜଣେ ଯୁବ ଅଭିନେତା । ସେ କାହାକୁ କେଉଁଠାରେ ବି ଭେଟିପାରିବେ । ଅଭିନେତା ଏହା ମଧ୍ୟ କହିଥିଲେ ଯେ, ଏହି ଫଟୋ ସେ ଟୁଇଟରରେ ଦେଖିଥିଲେ । କାରଣ ସେ ଅନ୍ୟ ସୋସିଆଲ ମିଡିଆ ସାଇଟ୍ରେ ନାହାନ୍ତି। ରଣବୀର କହିଥିଲେ, ସେ ଅବିବାହିତ ଏବଂ ଜଣେ ଅବିବାହିତ କୌଣସି ଯୁବତୀଙ୍କୁ ଭେଟିପାରିବ । ଏହାର ଅର୍ଥ ନୁହେଁ ଯେ ଉଭୟ ଉଭୟଙ୍କୁ ଡେଟ କରୁଛନ୍ତି । ଯଦି ସେମାନେ ଡେଟ କରୁଥାନ୍ତି ତେବେ ମୁମ୍ବାଇରେ ସମସ୍ତଙ୍କୁ ଏହା ଜଣାଥାନ୍ତା ।
