ମୁମ୍ବାଇ: ବଲିଉଡ୍ ଅଭିନେତ୍ରୀ ୟାମି ଗୌତମ ବିବାହ ପରେ ସ୍ୱାମୀଙ୍କ ସହ ମିଶି ତାଙ୍କର ପ୍ରଥମ ଜନ୍ମଦିନ ପାଳିଛନ୍ତି। ଚଳିତବର୍ଷ ଜନ୍ମଦିନ ପାଳନ ୟାମିଙ୍କ ପାଇଁ ଟିକେ ନିଆରା ଥିଲା। ଗତକାଲି ଅର୍ଥାତ୍ ନଭେମ୍ବର ୨୮ରେ ଥିଲା ୟାମିଙ୍କ ଜନ୍ମଦିନ। ଏହି ସମୟର ଫଟୋ ଇନ୍ଷ୍ଟାଗ୍ରାମରେ ଶେୟାର କରିବା ପରେ ପ୍ରଶଂସକଙ୍କ ଠାରୁ ଆରମ୍ଭ କରି ସେଲିବ୍ରିଟିମାନେ ଜନ୍ମଦିନର ଶୁଭେଚ୍ଛା ଜଣାଇଛନ୍ତି।
ୟାମି ତାଙ୍କ ଅଫିସିଆଲ ଇନ୍ଷ୍ଟାଗ୍ରାମରେ ଗୋଟିଏ ଫଟୋ ଏବଂ ଦୁଇଟି ଭିଡିଓ ଶେୟାର କରିଛନ୍ତି। ଯେଉଁଥିରେ ୟାମି ତାଙ୍କ ପରିବାର ଲୋକଙ୍କ ସହ ମିଶି ଜନ୍ମଦିନ ପାଳନ କରୁଥିବା ଦେଖିବାକୁ ମିଳୁଛି। ୟାମି ଫଟୋରେ ଖୁବ୍ ସୁନ୍ଦର ଦିଶୁଛି। ପ୍ରଶଂସକମାନେ ତାଙ୍କ ଫଟୋକୁ ବହୁମାତ୍ରାରେ ପସନ୍ଦ କରିଛନ୍ତି।
