ବଲିଉଡ୍ ଫିଲ୍ମ ‘ଦି ଗାର୍ଲ ଅନ ଟ୍ରେନ’ଟ୍ରେଲର ନିକଟରେ ରିଲିଜ ହୋଇଛି। ଟ୍ରେଲରକୁ ଦର୍ଶକ ବେଶ୍ ପସନ୍ଦ କରିଛନ୍ତି। ଫିଲ୍ମରେ ଅଭିନେତ୍ରୀ ପରିଣୀତି ଚୋପ୍ରାଙ୍କ ଅଭିନୟ ଉଚ୍ଚକୋଟୀର ହୋଇଛି। ଏବେ ପରିଣୀତି ଫିଲ୍ମ ସହ ଜଡିତ କିଛି ରହସ୍ୟ ଉପରୁ ପରଦା ଉଠାଇଛନ୍ତି। ଏହି ଭୂମିକାରେ ଅଭିନୟ କରିବା ପାଇଁ ତାଙ୍କୁ କିପରି ଯନ୍ତ୍ରଣାଦାୟକ ଅନୁଭୂତି ଦେଇ ଗତି କରିବାକୁ ପଡିଥିଲା ତାହା ସେ ବଖାଣିଛନ୍ତି। ଏହି ଭୂମିକାରେ ନିଜକୁ ଫିଟ କରିବା ପାଇଁ ମୁଁ ପ୍ରକୃତରେ ମୋର ରକ୍ତ, ଝାଳ ଏବଂ ଲୁହ ବୁହାଇଛି। ଅନେକଥର ସେଟ୍ରେ କାନ୍ଦିଛି। ଚରିତ୍ରରେ ନିଜକୁ ଖାପ ଖୁଆଇଦେଇଥିଲି ବୋଲି ସେ କହିଛନ୍ତି। ଏକ ଆଇକନିକ ପୁସ୍ତକ ଉପରେ ଆଧାରିତ ଏହି ଚଳଚ୍ଚିତ୍ର ୨୦୧୬ରେ ହଲିଉଡରେ ମଧ୍ୟ ନିର୍ମିତ ହୋଇଥିଲା। ଏଥିରେ ଏମିଲି ବ୍ଲଣ୍ଟ ମୁଖ୍ୟ ଭୂମିକାରେ ଅଭିନୟ କରିଥିଲେ। ଏହାର ବଲିଉଡ ସଂସ୍କରଣରେ ପରିଣୀତି ଚୋପ୍ରା ଅଭିନୟ କରିଛନ୍ତି। ଫେବୃଆରୀ ୨୬ରେ ନେଟଫ୍ଲିକ୍ସରେ ‘ଗର୍ଲ ଅନ ଟ୍ରେନ’ର ପ୍ରିମିୟର୍ ପ୍ରସାରିତ ହେବ। ଏହ ଫିଲ୍ମର ନିର୍ଦ୍ଦେଶନା ରିଭୂ ଦାସଗୁପ୍ତା ଦେଇଛନ୍ତି ।