ଛୋଟ ପରଦାରୁ ଭୋଜପୁରୀ ଇଣ୍ଡଷ୍ଟ୍ର୍ରି ପର୍ଯ୍ୟନ୍ତ ବେଶ୍ ନାଁ କମାଇଥିବା ଅଭିନେତ୍ରୀ ମୋନାଲିସା ଆଜିକାଲି ସୋସିଆଲ ମିଡିଆରେ ଖୁବ୍ ଆକ୍ଟିଭ୍ ରହୁଛନ୍ତି। ଇନ୍ଷ୍ଟାଗ୍ରାମରେ ବିକ୍ନୀ ଲୁକ୍କୁ ନେଇ ହେଉ କିମ୍ବା ଶାଢ଼ିକୁ ନେଇ ସେ ସବୁବେଳେ ଚର୍ଚ୍ଚାରେ ରହିଥାନ୍ତି। ମୋନାଲିସା କିଛି ନା କିଛି ଫଟୋ ସୋସିଆଲ ମିଡିଆରେ ଶେୟାର କରିଥାନ୍ତି। ଯାହା ଉପରେ ପ୍ରଶଂସକଙ୍କ ନଜର ରହିଥାଏ। ଏବେ ମୋନାଲିସା ତାଙ୍କର ଏକ ଭିଡିଓ ଶେୟାର କରିଛନ୍ତି। ଯେଉଁଥିରେ ସେ ବିମାନରେ ଡ୍ୟାନ୍ସ କରୁଥିବା ନଜର ଆସିଛନ୍ତି। ସେ ଏକ ସ୍ଲିଭ୍ଲେସ୍ ସାଲଓ୍ବାର ଶୁଟ୍ ପିନ୍ଧି ‘କାଣ୍ଟା ଲଗା’ ଗୀତରେ ଡ୍ୟାନ୍ସ କରୁଛନ୍ତି। ତାଙ୍କର ଏପରି ଡ୍ୟାନ୍ସ ପ୍ରଶଂସକଙ୍କୁ ବେଶ୍ ପସନ୍ଦ ଆସିଛି। ମାତ୍ର କିଛି ଘଣ୍ଟା ମଧ୍ୟରେ ଏହି ଭିଡିଓକୁ ହଜାର ହଜାର ଲୋକ ଦେଖିସାରିଲେଣି। କିଛି ୟୁଜର ଖୁବ୍ ସୁନ୍ଦର ସୁନ୍ଦର କମେଣ୍ଟ ମଧ୍ୟ ଦେଇଛନ୍ତି। ଜଣେ ୟୁଜର ଲେଖିଛନ୍ତି, ଜବରଦସ୍ତ ଡ୍ୟାନ୍ସ। ସେହିପରି ଅନ୍ୟ ଜଣେ ଲେଖିଛନ୍ତି, ହୃଦୟକୁ ଦୋହଲାଇ ଦେଲ।
