ମୁମ୍ବାଇ: ସୀମାରେ ଭାରତ-ଚାଇନା ସଂଘର୍ଷ ପରେ କ୍ରମାଗତ ଭାବେ ତିକ୍ତତା ବଢ଼ିଚାଲିଛି। ଏହି ସଂଘର୍ଷରେ ଭାରତର ୨୦ ସୈନିକ ଶହୀଦ ହେବା ପରେ ଲୋକଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ବର୍ତ୍ତମାନ ଚାଇନାକୁ ଉଚିତ୍ ଶିକ୍ଷା ଦେବା ପାଇଁ ଭାରତ ତା’ର ସମସ୍ତ ପଦକ୍ଷେପ ଗ୍ରହଣ କରିଛି। ବିଶେଷକରି ଅର୍ଥନୈତିକ କ୍ଷେତ୍ରରେ କ୍ଷତି ପହଞ୍ଚାଇବା ପାଇଁ ଭାରତ ଚାଇନାର ୫୯ଟି ଆପ୍କୁ ବ୍ୟାନ୍ କରିଦେଇଛି। ଏଥିରେ ଟିକ୍ଟକ୍ ମଧ୍ୟ ରହିଛି। ଏହି ଆପ୍ ବ୍ୟାନ୍ ହେବା ପରେ ଡ୍ୟାନ୍ସିଂ କ୍ୱିନ୍ ସପ୍ନା ଚୌଧୁରୀ ପ୍ରତିକ୍ରିୟା ରଖିଛନ୍ତି। ସରକାରଙ୍କ ଏହି ନିଷ୍ପତ୍ତିକୁ ସାଧାରଣ ଲୋକେ ସ୍ବାଗତ କରିଥିବା ବେଳେ ସପ୍ନା ମଧ୍ୟ ସରକାରଙ୍କୁ ଏଥିରେ ସହଯୋଗ କରିଛନ୍ତି। ସପ୍ନା ନିଜେ ଟିକ୍ଟକ୍ ବ୍ୟବହାର କରୁଥିଲେ। ତାଙ୍କର ଏଥିରେ ୧ ଲକ୍ଷରୁ ଊର୍ଦ୍ଧ୍ୱ ଫଲୋଅର୍ସ ଥିଲେ। ସେ କହିଛନ୍ତି, ଦେଶଠାରୁ ବଡ଼ କେହି ନାହିଁ।
ସପ୍ନା ସୋସିଆଲ ମିଡିଆରେ ଏକ ଭିଡିଓ ଶେୟାର କରି କହିଛନ୍ତି, ‘ସରକାର ୫୯ ଚାଇନା ଆପ୍ ବନ୍ଦ କରିଦେଲେ। ଯେଉଁଥିରେ ଟିକ୍ଟକ୍ ବି ସାମିଲ ଅଛି। ସରକାରଙ୍କ ଏହି ନିଷ୍ପତ୍ତିକୁ ମୁଁ ପୂର୍ଣ୍ଣ ଭାବେ ସହଯୋଗ କରୁଛନ୍ତି। ଏହା ସବୁଠୁ ଭଲ ନିଷ୍ପତ୍ତି। ଏହା ସହ ଏହି ନିଷ୍ପତ୍ତିକୁ ଯେଉଁମାନେ ବିରୋଧ କରୁଛନ୍ତି ସେମାନଙ୍କୁ ବୁଝାଇବାକୁ ଚେଷ୍ଟା କରୁଛି। ସେ ଆହୁରି ମଧ୍ୟ କହିଛନ୍ତି, ଚାଇନାର ଆପ୍ ବ୍ୟବହାର କରିବା ଦ୍ୱାରା ଚାଇନା ନିକଟକୁ ପଇସା ଯାଇଥାଏ। ଯାହାକି ଆମର ଅର୍ଥ ବ୍ୟୟ ହେଉଥିଲା। ଫଳରେ ସେ ବଡ଼ ଭୁଲ କରୁଥିଲେ। ଆପଣମାନେ ସରକାରଙ୍କୁ ସହଯୋଗ କରନ୍ତୁ। ସୀମାରେ ଥିବା ସୈନିକମାନଙ୍କୁ ହାତ ଯୋଡ଼ି ଧନ୍ୟବାଦ ଜଣାଉଛି। ଜୟ ହିନ୍ଦ୍ ଭାରତ।’
ଅନ୍ୟପକ୍ଷରେ ଚାଇନା ଆପ ବନ୍ଦ ନେଇ ଟିକ୍ଟକ୍ ବ୍ୟବହାରକାରୀ ସରକାରଙ୍କୁ ବିରୋଧ କରୁଛନ୍ତି। ମାତ୍ର ଏପରି ଲୋକଙ୍କ ସଂଖ୍ୟା ବହୁତ କମ୍। ଅପେକ୍ଷା କରନ୍ତୁ ଭାରତରେ ମଧ୍ୟ ଟିକ୍ଟକ୍ ପରି ଆପ୍ ଲଞ୍ଚ କରାଯାଇପାରିବ।