ସାଉଥ୍ର ଚୁଲବୁଲି ଅଭିନେତ୍ରୀ ରଶ୍ମିକା ମନ୍ଦାନାଙ୍କ କିଏ ବା ନ ଜାଣେ। ତାଙ୍କର ଅଭିନୟ ଏବଂ ଲୁକ୍ ପାଇଁ ଫ୍ୟାନ୍ସଙ୍କ ହୃଦୟରେ ରାଜ୍ କରନ୍ତି। ନିକଟରେ ଫିଲ୍ମ ‘ପୁଷ୍ପା’ରେ ଅଭିନୟ କରି ଚର୍ଚ୍ଚାରେ ଥିଲେ। ତାଙ୍କର ଅଭିନୟ ପାଇଁ ଅନେକ ଫିଲ୍ମରେ ଅଫର କରାଯାଇଥିଲା। ହେଲେ ସେ ରିଜେକ୍ଟ କରି ଦେଇଥିଲେ। ନିକଟରେ ତାଙ୍କୁ ସାହିଦ କପୁରଙ୍କ ଫିଲ୍ମ ‘ଜର୍ସି’ ପାଇଁ ଅଫର କରାଯାଇଥିଲା। କିନ୍ତୁ ରଶ୍ମିକା ଏହି ଅଫରକୁ ମନା କରି ଦେଇଥିଲେ। ସେହିପରି ସଞ୍ଜୟ ଲୀଲା ଭଂଶାଲୀ ରଶ୍ମିକା ଏବଂ ରଣଦୀପ ହୁଡାଙ୍କ ସହ ଏକ ଫିଲ୍ମ କରିବାକୁ ଯୋଜନା କରୁଥିଲେ। କିନ୍ତୁ ରଶ୍ମିକା ତାଙ୍କର ଏହି ଅଫରକୁ ରିଜେକ୍ଟ କରିଥିଲେ।
ବର୍ତ୍ତମାନ ରଶ୍ମିକା ରଣବୀର କପୁରଙ୍କ ସହ ତାଙ୍କର ଆଗାମୀ ହିନ୍ଦୀ ଫିଲ୍ମ ‘ଆନିମଲ’ରେ କାମ କରୁଛନ୍ତି। ଏହି ଫିଲ୍ମକୁ ସନ୍ଦୀପ ରେଡ୍ଡୀ ନିର୍ଦ୍ଦେଶନା ଦେଉଛନ୍ତି। ଏହା ଆସନ୍ତା ବର୍ଷ ଅଗଷ୍ଟରେ ରିଲିଜ ହେବ ।
