ହଲିଉଡ ଅଭିନେତ୍ରୀ ତଥା ଗାୟିକା ଜେନିଫର ଲୋପେଜ ଖୁବ୍ଶୀଘ୍ର ଚତୁର୍ଥ ବିବାହ କରିବାକୁ ଯାଉଥିବା ନେଇ ଚର୍ଚ୍ଚା ହେଉଛି। ୫୨ ବର୍ଷୀୟା ଜେନିଫର୍ ଏକ ବିନ୍ଦାସ ଜୀବନଶୈଳୀ ବଞ୍ଚନ୍ତି। କରନ୍ତି। ସେ ଖୁବ୍ଶୀଘ୍ର ଖ୍ୟାତିସମ୍ପନ୍ନ ହଲିଉଡ ଅଭିନେତା ବେନ ଆଫ୍ଲେକଙ୍କୁ ବିବାହ କରିବେ ବୋଲି କୁହାଯାଉଛି। ଏହା ଜେନିଫରଙ୍କ ଚତୁର୍ଥ ବିବାହ ହେବ। ସେ ପୂର୍ବରୁ ୩ଥର ବିବାହ ବନ୍ଧନରେ ଆବଦ୍ଧ ହୋଇଛନ୍ତି। କିନ୍ତୁ ୩ଥର ଯାକ ତାଙ୍କ ଛାଡପତ୍ର ହୋଇସାରିଛି। ଏକ ସାକ୍ଷାତକାରରେ ତାଙ୍କ ବିବାହ ବିଷୟରେ ଏକ ମଜାଦାର କଥା କହିଛନ୍ତି ଜେନିଫର। ତାଙ୍କର ଆଗାମୀ ଚଳଚ୍ଚିତ୍ର ‘ମ୍ୟାରି ମି’ କୁ ପ୍ରମୋଟ କରୁଛନ୍ତି ସେ । ଏହି କ୍ରମରେ ଜେନିଫର ଏକ ଶୋ’ରେ ପହଞ୍ଚିଥିଲେ। ଏହି ଶୋ’ରେ ତାଙ୍କ ବିବାହ ବିଷୟରେ ପ୍ରଶ୍ନ ପଚରାଯାଇଥିଲା। ଜେନିଫର୍ ଏହାଶୁଣି ହସିକି କହିଥିଲେ, ତୁମେ ଜାଣ ଯେ ମୁଁ ଜଣେ ରୋମାଣ୍ଟିକ ବ୍ୟକ୍ତି। ମୁଁ ପୂର୍ବରୁ ଅନେକ ଥର ବିବାହ କରିସାରିଛି। ଏବେ ସୁଦ୍ଧା ମୁଁ ‘ହାପି ଏଭର୍ ଆଫ୍ଟର୍’ ଉପରେ ସମ୍ପୂର୍ଣ୍ଣ ଭାବେ ବିଶ୍ୱାସ କରେ ଏବଂ ମୁଁ ତାହା କରିବି ମଧ୍ୟ। ଜେନିଫର୍ ଲୋପେଜ ଏବଂ ବେନ ଆଫ୍ଲେକଙ୍କୁ ଅନେକ ସମୟରେ ଏକାଠି ଦେଖାଯାଏ।ଗତ ମାସରେ ଫିଲ୍ମ ‘ଦ ଲାଷ୍ଟ ଡୁଏଲଟ୍’ର ପ୍ରିମିୟରରେ ଦୁହେଁ ଏକାଠି ନଜର ଆସିଥିଲେ। ଜେନିଫର୍ ତାଙ୍କ ଇନଷ୍ଟାଗ୍ରାମରେ ପ୍ରିମିୟରର ଏକ ଫଟୋ ମଧ୍ୟ ଶେୟାର କରିଥିଲେ।
୧୯୯୭ ମସିହାରେ ପ୍ରଥମ ଥର ପାଇଁ ଓଜାନି ନୋଆଙ୍କୁ ବିବାହ କରିଥିଲେ ଜେନିଫର। ଏହି ବିବାହ ମାତ୍ର ଏକ ବର୍ଷ ଧରି ଚାଲିଥିଲା। ଏହା ପରେ, ୨୦୦୧ ମସିହାରେ, ଜେନିଫର୍ କ୍ରିସ ଜୁଡଙ୍କୁ ବିବାହ କରିଥିେ, କିନ୍ତୁ ଦୁଇ ବର୍ଷ ପରେ, କ୍ରିସ ତାଙ୍କୁ ଛାଡିଦେଇଥିଲେ। ୨୦୦୪ ମସିହାରେ ସେ ମାର୍କ ଆନ୍ଥୋନିଙ୍କୁ ବିବାହ କରିଥିଲେ। ଏହି ବିବାହ ଟିକିଏ ଅଧିକ ସମୟ ରହିଲା ଏବଂ ୧୦ ବର୍ଷ ପରେ ଉଭୟ ଅଲଗା ହୋଇଯାଇଥିଲେ।