୨୮ ଦିନର ପୁଅକୁ ଗାୟତ୍ରୀ ମନ୍ତ୍ର ଶୁଣାଉଛନ୍ତି ଏହି ଅଭିନେତ୍ରୀ

ଅଭିନେତ୍ରୀ ଅନିତା ହାସନନ୍ଦାନୀ ନିକଟରେ ପୁତ୍ର ସନ୍ତାନର ଜନନୀ ହୋଇଛନ୍ତି। ଏବେ ପୁଅକୁ ନେଇ ବେଶ୍‌ ଉତ୍ସାହିତ ଅଛନ୍ତି ଅନିତା ଏବଂ ସ୍ବାମୀ ରୋହିତ ସେଟ୍ଟୀ। ଉଭୟ ସୋସିଆଲ ମିଡିଆରେ ପୁଅର ଫଟୋ ଶେୟାର କରିବାକୁ ଆଦୌ ଭୁଲିନାହାନ୍ତି। ନିକଟରେ ଅନୀତା ଇନ୍‌ଷ୍ଟାଗ୍ରାମରେ ଏକ ସୁନ୍ଦର ଭିଡିଓ ଶେୟାର କରିଥିଲେ, ଏବେ ତାହା ଭାଇରାଲ ହୋଇଛି। ଭିଡିଓରେ ପୁଅ ଆରଭଙ୍କୁ ଗାୟତ୍ରୀ ମନ୍ତ୍ରୀ ଶିଖାଉଥିବା ଦେଖାଯାଇଛି। ମା’ଙ୍କଠାରୁ ଏହି ମନ୍ତ୍ର ଶୁଣି ଆରଭ ଜିଭ କାଢୁଥିବା ଦେଖାଯାଇଛି। ତାଙ୍କ ପୁଅ ଖୁବଶୀଘ୍ର ଗାୟତ୍ରୀ ମନ୍ତ୍ର ଶିଖିବ ବୋଲି ଅନିତା କହିଛନ୍ତି। ଅନିତାଙ୍କ ଏହି ଭିଡିଓକୁ ପ୍ରଶଂସକମାନେ ବହୁତ ପସନ୍ଦ କରିଛନ୍ତି।