ମୁମ୍ବାଇ: ବଲିଉଡ୍ ଅଭିନେତ୍ରୀ ଶ୍ରଦ୍ଧା କପୁର ସୋସିଆଲ ମିଡିଆରେ ବେଶ୍ ଆକ୍ଟିଭ୍। ସେ ପ୍ରଶଂସକମାନଙ୍କ ସହ ଯୋଡ଼ି ହୋଇ ରହିବା ପାଇଁ ଅନେକ ସମୟରେ ଫଟୋ ଏବଂ ଭିଡିଓ ଶେୟାର କରିଥାନ୍ତି। ପ୍ରଶଂସକମାନେ ମଧ୍ୟ ଶ୍ରଦ୍ଧାଙ୍କ ସୌନ୍ଦର୍ଯ୍ୟରେ ପାଗଳ। ନିକଟରେ ସେ ଏକ ଫଟୋଶୁଟ୍ କରିଛନ୍ତି। ଯାହା ଏବେ ସୋସିଆଲ ମିଡିଆରେ ଭାଇରାଲ ହେଉଛି।
ଏହି ଫଟୋକୁ ଶ୍ରଦ୍ଧା ତାଙ୍କ ଇନ୍ଷ୍ଟାଗ୍ରାମରେ ଶେୟାର କରିଛନ୍ତି। ଫଟୋଟିକୁ ସେ ତାଙ୍କ ଛାତ ଉପରେ ଉଠାଇଥିଲେ। ଫଟୋରେ ତାଙ୍କର ଲୁକ୍ ବହୁତ ଚମତ୍କାର ଦେଖାଯାଉଛି। ପ୍ରଶଂସକମାନେ ଶ୍ରଦ୍ଧାଙ୍କ ଏହି ଶାନ୍ତ ସରଳ ଚେହେରାକୁ ବେଶ୍ ପସନ୍ଦ କରିଛନ୍ତି। ତାଙ୍କର ଜଣେ ପ୍ରଶଂସକ ଲେଖିଛନ୍ତି, ‘ତୁମେ ଜଣେ ଉଜ୍ଜ୍ୱଳ ତାରକା’। ‘ତୁମେ ଦୁନିଆର ସବୁଠାରୁ ସୁନ୍ଦର ମହିଳା’। ତାଙ୍କର ଏହି ଫଟୋକୁ ବର୍ତ୍ତମାନ ସୁଦ୍ଧା ୨.୮ ମିଲିୟନ ଲୋକ ପସନ୍ଦ କରିଛନ୍ତି।
ଏ ତ ଗଲା ତାଙ୍କ ବ୍ୟକ୍ତିଗତ କଥା। ଯଦି ତାଙ୍କ ଓ୍ବାର୍କ ଫ୍ରଣ୍ଟ୍ ବିଷୟରେ କହିବା ତେବେ ୨୦୧୩ରେ ଫିଲ୍ମ ‘ଆଶିକ୍-୨’ ଜରିଆରେ ବଲିଉଡ୍ରେ ଡେବ୍ୟୁ କରିଥିଲେ। ଏହି ଫିଲ୍ମରେ ତାଙ୍କ ସହ ମୁଖ୍ୟ ଭୂମିକାରେ ଆଦିତ୍ୟ ରାୟ କପୁର ନଜର ଆସିଥିଲେ। ଏହା ପରେ ଶ୍ରଦ୍ଧା ବଲିଉଡ୍ରେ ଗୋଟିଏ ପରେ ଗୋଟିଏ ହିଟ୍ ଫିଲ୍ମ ଦେଇଥିଲେ। ଏହା ସହ ସେ ଖୁବ୍ଶୀଘ୍ର ଫିଲ୍ମ ‘ଲଭ୍ ରଞ୍ଜନ’ରେ ରଣବୀର କପୁରଙ୍କ ସହ ମୁଖ୍ୟ ଭୂମିକାରେ ନଜର ଆସିବେ।