ମୁମ୍ବାଇ: ଅଭିନେତ୍ରୀ ଉର୍ବଶୀ ରୌତେଲା ନିକଟରେ ଇସ୍ରାଏଲର ପୂର୍ବତନ ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁଙ୍କୁ ଭେଟିଥିଲେ। ଏହି ସାକ୍ଷାତ ସମୟରେ ଉର୍ବଶୀ ନେତନ୍ୟାହୁଙ୍କୁ ଭାରତର ଏକ ସ୍ମରଣୀୟ ଉପହାର ଦେଇଥିଲେ। ଉର୍ବଶୀ ନେତନ୍ୟାହୁଙ୍କୁ ହିନ୍ଦୁ ‘ଭଗବତ ଗୀତା’ ପବିତ୍ର ପୁସ୍ତକ ଉପହାର ଦେଇଛନ୍ତି। ଉର୍ବଶୀ ସୋସିଆଲ ମିଡିଆରେ ନେତନ୍ୟାହୁଙ୍କ ସାକ୍ଷାତକାରର କିଛି ଫଟୋ ମଧ୍ୟ ଶେୟାର କରିଛନ୍ତି । ଏଥିରେ ସେ ଲେଖିଛନ୍ତି, ଇସ୍ରାଏଲର ପୂର୍ବତନ ପ୍ରଧାନମନ୍ତ୍ରୀ ମୋତେ ଏବଂ ମୋ ପରିବାରକୁ ନିମନ୍ତ୍ରଣ କରିଥିବାରୁ ଧନ୍ୟବାଦ।
ସେ ଆହୁରି ମଧ୍ୟ ଏହି ପୋଷ୍ଟରେ ଲେଖିଛନ୍ତି, ‘ମୋର ଭଗବତ ଗୀତା’। ଯେତେବେଳେ ହୃଦୟରୁ ସଠିକ ବ୍ୟକ୍ତିଙ୍କୁ ସଠିକ ସମୟରେ ଏବଂ ସଠିକ ସ୍ଥାନରେ ଉପହାର ଦିଆଯାଏ, ଏହାର ପ୍ରତିବଦଳରେ ଅନ୍ୟ କିଛି ଆଶା କରାଯାଏ ନାହିଁ, ସେହି ଉପହାରଟି ସର୍ବଦା ଶୁଦ୍ଧ ଅଟେ।” ଏହି ସାକ୍ଷାତ ସମୟରେ ଦୁହେଁ ପରସ୍ପରକୁ ନିଜ ଦେଶର ଜାତୀୟ ଭାଷା ଶିକ୍ଷା ମଧ୍ୟ ଦେଇଥିଲେ। ଉର୍ବଶୀ ମିସ୍ ୟୁନିଭର୍ସ ସୁନ୍ଦରୀ ପ୍ରତିଯୋଗିତା ପାଇଁ ଇସ୍ରାଏଲ ଯାଇଥିଲେ। ଏହି ପ୍ରତିଯୋଗିତାରେ ତାଙ୍କୁ ଏକ ଜୁରି ସଦସ୍ୟ ଭାବେ ନିମନ୍ତ୍ରଣ କରାଯାଇଥିଲା।
