ସୁପରଷ୍ଟାର ରଜନୀକାନ୍ତ ଗତ କିଛି ଦଶନ୍ଧି ଧରି ମନୋରଞ୍ଜନ ଇଣ୍ଡଷ୍ଟ୍ରୀରେ ସକ୍ରିୟ ଥିଲେ। ୭୨ ବର୍ଷ ବୟସରେ ମଧ୍ୟ ସେ ଗୋଟିଏ ପରେ ଗୋଟିଏ ସୁପରହିଟ ଫିଲ୍ମ ଦେଉଛନ୍ତି। ରଜନୀକାନ୍ତଙ୍କ ସହ ଫିଲ୍ମ କରିବା ଏକ ବଡ କଥା ବୋଲି ବିବେଚନା କରାଯାଏ। ସମସ୍ତେ ତାଙ୍କ ସହ କାମ କରିବାକୁ ଚାହାଁନ୍ତି କିନ୍ତୁ ବଲିଉଡରେ ଜଣେ ଅଭିନେତ୍ରୀ ଅଛନ୍ତି ଯିଏ ରଜନୀକାନ୍ତଙ୍କ ୪ଟି ଫିଲ୍ମକୁ ଥରେ ମନା କରି ଦେଇଛନ୍ତି। ସେ ହେଉଛନ୍ତି,ଐଶ୍ୱର୍ଯ୍ୟା ରାୟ ବଚ୍ଚନ।
ସେ ତାଙ୍କ କ୍ୟାରିଅରରେ ଅନେକ ସଫଳ ଚଳଚ୍ଚିତ୍ରର ଏକ ଅଂଶ ହୋଇସାରିଛନ୍ତି। ଐଶ୍ୱର୍ଯ୍ୟା ରାୟ ବଚ୍ଚନଙ୍କୁ ରଜନୀକାନ୍ତଙ୍କ ସୁପରହିଟ ଫିଲ୍ମ ପାଡାୟାପ୍ପା ଅଫର୍ ଦିଆଯାଇଥିଲା କିନ୍ତୁ ଅଭିନେତ୍ରୀ କୌଣସି କାରଣରୁ ଫିଲ୍ମକୁ ପ୍ରତ୍ୟାଖ୍ୟାନ କରିଥିଲେ। ଏହା ବ୍ୟତୀତ ଐଶ୍ୱର୍ଯ୍ୟା ରଜନୀକାନ୍ତଙ୍କ ‘ବାବା’, ‘ଚନ୍ଦ୍ରମୁଖୀ’ ଏବଂ ‘ଶିବାଜୀ: ଦି ବସ’ ଭଳି ଫିଲ୍ମ ମଧ୍ୟ ପାଇଥିଲେ, କିନ୍ତୁ ଅଭିନେତ୍ରୀ ସେମାନଙ୍କୁ ପ୍ରତ୍ୟାଖ୍ୟାନ କରିଥିଲେ। ଏହା ପରେ ଐଶ୍ୱର୍ଯ୍ୟା ରାୟ ବଚ୍ଚନ ରଜନୀକାନ୍ତଙ୍କ ସହ ଫିଲ୍ମ ଏନ୍ଥିରାନରେ ସ୍କ୍ରିନ୍ ଶେୟାର କରିଥିଲେ ଏବଂ ଫିଲ୍ମ ମଧ୍ୟ ବ୍ୟବସାୟିକ ଭାବରେ ସଫଳ ହୋଇଥିଲା।
୨୦୧୦ରେ ମୁକ୍ତିଲାଭ କରିଥିବା ଏନ୍ଥିରାନର ହିନ୍ଦୀ ନାମ ଥିଲା ରୋବଟ। ଏଥିରେ ରଜନୀକାନ୍ତ ଏବଂ ଐଶ୍ୱର୍ଯ୍ୟା ରାୟ ବଚ୍ଚନଙ୍କ କେମେଷ୍ଟ୍ରୀ ଏଥିରେ ବହୁତ ପସନ୍ଦ ଆସିଥିଲା। ଏହି ଚଳଚ୍ଚିତ୍ରର ନିର୍ଦ୍ଦେଶକ ଥିଲେ ଶଙ୍କର। ରିଲିଜ ପରେ ‘ରୋବଟ’ ୨ଟି ଜାତୀୟ ପୁରସ୍କାର ଲାଭ କଲା। ଏହି ଚଳଚ୍ଚିତ୍ରଟି ଶ୍ରେଷ୍ଠ ସ୍ପେଶାଲ ଇଫେକ୍ଟସ ଏବଂ ବେଷ୍ଟ ପ୍ରଡକ୍ସନ ଡିଜାଇନ ପାଇଁ ପୁରସ୍କାର ଗ୍ରହଣ କରିଥିଲା।