ମୁମ୍ବାଇ: ବଲିଉଡ୍ ଡ୍ରାମା କୁଇନ୍ ରାଖୀ ସାୱନ୍ତଙ୍କ ବିଗ ବସ ୧୪ ଛାଡିଛନ୍ତି। ଚଳିବର୍ଷ ବିଗ୍ବସ୍ର ସବୁଠାରୁ ଚର୍ଚ୍ଚିତ ପ୍ରତିଯୋଗୀ ଥିଲେ ସେ। ଦର୍ଶକଙ୍କ ମନୋରଞ୍ଜନ କରିବା ସହିତ ପ୍ରଶଂସା ମଧ୍ୟ ସାଉଁଟି ଥିଲେ। କେବଳ ଏତିକି ନୁହେଁ, ଶୋ’ର ହୋଷ୍ଟ ସଲମାନ ଖାନ ମଧ୍ୟ ରାଖୀଙ୍କୁ ସମର୍ଥନ କରିବା ପାଇଁ କୌଣସି ସୁଯୋଗ ହାତଛଡା କରି ନଥିଲେ। ରାଖୀ ୧୪ ଲକ୍ଷ ଟଙ୍କା ନେଇ ଶୋ’ ଛାଡିଛନ୍ତି। ଶୋ’ ଛାଡିବା ପରେ ରାଖୀ ସାୱନ୍ତ ତାଙ୍କ ମନ୍ତବ୍ୟ ପାଇଁ ପୁଣି ଥରେ ଚର୍ଚ୍ଚାରେ ଅଛନ୍ତି। ରାଖୀ ସାୱନ୍ତ ପୁଣି ଥରେ ମା’ ହେବାକୁ ଇଚ୍ଛା ପ୍ରକାଶ କରିଛନ୍ତି। ରାଖୀ ସାୱନ୍ତ କହିଛନ୍ତି ଯେ ସେ ଏବେ ତାଙ୍କ ବ୍ୟକ୍ତିଗତ ଜୀବନ ଉପରେ ଧ୍ୟାନ ଦେବାକୁ ଚାହୁଁଛନ୍ତି। ରାଖୀ କହିଛନ୍ତି ଯେ ସେ ମା’ ହେବାକୁ ଚାହୁଁଛନ୍ତି ଏବଂ ନିଜ ସନ୍ତାନ ପାଇଁ ପିତା ଖୋଜୁଛନ୍ତି ବୋଲି ସେ କହିଛନ୍ତି।