ଆଜି ‘ବିଗ ବସ ଓଟିଟି-୩’ ର ଗ୍ରାଣ୍ଡ ଫାଇନାଲ ହେବାକୁ ଯାଉଛି। ଶୋ’ର ବିଜେତାଙ୍କ ନାମ ଆଜି ରାତିରେ କେବଳ ‘ବିଗ ବସ ‘ଓଟିଟି -୩’ର ଗ୍ରାଣ୍ଡ ଫାଇନାଲରେ ପ୍ରକାଶ ପାଇବ। ଏଥର ଶୋ’କୁ ବଲିଉଡର ଚିର ସବୁଜ ଅଭିନେତା ଅନିଲ କପୁର ହୋଷ୍ଟ କରୁଛନ୍ତି। ଏହି ଶୋ’ରେ ମହିଳା ପ୍ରତିଯୋଗୀମାନଙ୍କ ମଧ୍ୟରେ ସନା ମକବୁଲଙ୍କୁ ବହୁତ ପସନ୍ଦ କରାଯାଇଛି। ତାଙ୍କ କ୍ୟୁଟ୍ନେସ୍ ଏବଂ ହସକୁ ଲକ୍ଷ ଲକ୍ଷ ପସନ୍ଦ କରିଛନ୍ତି।
‘ବିଗ ବସ ଓଟିଟି-୩’ ରେ ସନା ମକବୁଲଙ୍କ ସୌନ୍ଦର୍ଯ୍ୟ ଦେଖି ସମସ୍ତେ ତାଙ୍କୁ ପ୍ରଶଂସା କରୁଛନ୍ତି। ତେବେ ଏହି ଶୋ’ରେ ଅଭିନେତ୍ରୀ ନିଜ ବିଷୟରେ ଏକ ଆଶ୍ଚର୍ଯ୍ୟଜନକ ଖୁଲାସା କରିଥିଲେ। ଶୋ’ରେ ସନା କହିଥିଲେ, ଗୋଟିଏ କୁକୁର ତାଙ୍କ ଓଠକୁ କାମୁଡ଼ି ଦେଇଥିଲା। ଫଳରେ ତାଙ୍କ ଓଠରେ ୧୨୦ଟି ଷ୍ଟିଚ୍ ପଡିଥିଲା। କେବଳ ଏତିକି ନୁହେଁ, ଅସ୍ତ୍ରୋପଚାର କରିବାକୁ ପଡିଥିଲା। ସନାଙ୍କ ସହ ଘଟିଥିବା ଏକ ଭୟଙ୍କର ଘଟଣା ବିଷୟରେ କହିଥିଲେ ଯାହା ଶୁଣି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ।
