ଡେଟିଂ ଉପରେ ଆଧାରିତ ଟିଭି ରିଆଲିଟି ଶୋ’ ‘ମୁଝ୍ସେ ଶାଦି କରୋଗେ’ରୁ ଘରେ ଘରେ ପରିଚିତ ହୋଇସାରିଥିବା ଅଭିନେତ୍ରୀ ହେଉଛନ୍ତି ଆଞ୍ଚଲ ଖୁରାନା। ମଙ୍ଗଳବାର ସନ୍ଧ୍ୟାରେ ସେ ଏକ ଦୁର୍ଘଟଣାର ସମ୍ମୁଖୀନ ହୋଇଥିଲେ। ଏକ ଗାଡି ତାଙ୍କ କାରକୁ ଧକ୍କା ଦେବାରୁ ଆଞ୍ଚଲଙ୍କ ଗୋଡ଼ରେ ଗୁରୁତର ଆଘାତ ଲାଗିଛି। ସଙ୍ଗେ ସଙ୍ଗେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ତେବେ ୧୫ ଦିନ ପର୍ଯ୍ୟନ୍ତ ବିଶ୍ରାମ ନେବାକୁ ଡାକ୍ତର ତାଙ୍କୁ କହିଛନ୍ତି।
ବର୍ତ୍ତମାନ ଆଞ୍ଚଲ ନିଜ ପରିବାର ସହ ଦିଲ୍ଲୀରେ ରହୁଛନ୍ତି। ଅଗଷ୍ଟ ୬ ରେ ତାଙ୍କର ଜନ୍ମଦିନ। ଏଥିପାଇଁ ସେ ଏକ ପାର୍ଟିର ଆୟୋଜନ କରୁଥିଲେ। ଏବେ ତାହା ଆଉ ସମ୍ଭବ ହେବ ନାହିଁ ବୋଲି ଆଞ୍ଚଲ କହିଛନ୍ତି।
