ମୁମ୍ବାଇ: ବିଗ୍ ବି ଅମିତାଭ ବଚ୍ଚନ ଖୁବ୍ଶୀଘ୍ର ତାଙ୍କର ୮୦ତମ ଜନ୍ମଦିନ ପାଳନ କରିବାକୁ ଯାଉଛନ୍ତି। ଏହି ସୁପରଷ୍ଟାରଙ୍କ ସହ ପ୍ରଥମେ ଯେଉଁମାନେ ଅଭିନୟ କରିଛନ୍ତି ସେମାନେ ବହୁ ଡରି ଯାଇଛନ୍ତି। ଏଥିମଧ୍ୟରୁ ବଲିଉଡ୍ର ଜଣାଶୁଣା ଅଭିନେତ୍ରୀ ଜୟପ୍ରଦା ହେଉଛନ୍ତି ଜଣେ। ୧୯୮୪ରେ ଫିଲ୍ମ ‘ଶରାବୀ’ରେ ପ୍ରଥମେ ବିଗ୍ ବିଙ୍କ ସହ ଅଭିନୟ କରିଥିଲେ ଜୟପ୍ରଦା। ଏହି ଫିଲ୍ମରେ ଅଭିନୟ କରିବା ସମୟରେ ଜୟପ୍ରଦା ବହୁତ ନର୍ଭସ ହୋଇଯାଇଥିଲେ।
ଫିଲ୍ମରେ ଜଣେ ଧନୀ ପିତାଙ୍କ ପୁଅ ଭୂମିକାରେ ଅଭିନୟ କରିଥିଲେ ଅମିତାଭ। ଜୟପ୍ରଦା ତାଙ୍କ ପ୍ରେମିକା ଭୂମିକାରେ ଅଭିନୟ କରିଥିଲେ। ଫିଲ୍ମର ଗୀତ ହେଉ କି ସଂଳାପ କିମ୍ବା ଅମିତାଭଙ୍କ ଅଭିନୟ ସବୁକିଛି ଆଶ୍ଚର୍ଯ୍ୟଜନକ ଥିଲା। ଯେତେବେଳେ ଏହି ଫିଲ୍ମର ହିରୋଇନ ଜୟପ୍ରଦା ‘ମୁଝେ ନୌଲକ୍ଷା ମଙ୍ଗା ଦେ ରେ,ଓ୍ବ ସଇୟାଁ ଦିଓ୍ବାନେ’ ରେ ନାଚିଲେ, ସିନେମା ହଲରେ ମଧ୍ୟ ଦର୍ଶକ ଆଶ୍ଚର୍ଯ୍ୟ ହୋଇଯାଇଥିଲେ। ୮୦ ଦଶକରେ ‘ଦେ ଦେ ପ୍ୟାର ଦେ’ ରୁ ‘ଇନ୍ତହା ହୋ ଗଇରେ ଇନ୍ତେଜାର କି’ ଭଳି ଗୀତ ବହୁ ଲୋକପ୍ରିୟ ଥିଲା।
ଜୟପ୍ରଦା ପ୍ରଥମଥର ପାଇଁ ‘ଶରାବୀ’ରେ ଅମିତାଭଙ୍କ ସହ ସ୍କ୍ରିନ ଶେୟାର କରିବାର ସୁଯୋଗ ପାଇଥିଲେ। ଏକ ସାକ୍ଷାତକାରରେ ଜୟପ୍ରଦା କହିଛନ୍ତି, ଯେତେବେଳେ ମୁଁ ଅମିତାଭଙ୍କୁ ପ୍ରଥମଥର ଭେଟିଲି ସେତେବେଳେ ମୁଁ ବହୁତ ନର୍ଭସ ଥିଲି, କାରଣ ହିନ୍ଦୀରେ ଅମିତାଭ ବହୁତ ଦକ୍ଷ ଥିଲେ। ଯେଉଁଟା ମୋତେ ଭଲ ଭାବେ ଜଣା ନ ଥିଲା। କିନ୍ତୁ ଫିଲ୍ମର ଶୁଟିଂ ସମୟରେ ସେ ମୋତେ ବହୁତ ସମର୍ଥନ କରିଥିଲେ। ମୁଁ ମଧ୍ୟ ତାଙ୍କଠାରୁ ଅନୁଶାସନ ଶିଖିଲି।ପିଲାଦିନରୁ ମୁଁ ଅମିତାଭଙ୍କର ଜଣେ ବଡ଼ ପ୍ରଶଂସକ ଥିଲି, ଏହି ଫିଲ୍ମରେ କାମ କରିବା ମୋ ପାଇଁ ଏକ ସ୍ବପ୍ନ ଥିଲା। ମୁଁ ବହୁତ ଖୁସି ଯେ, ଏହି ଫିଲ୍ମଟି ବ୍ଲକବଷ୍ଟର ହୋଇଥିଲା। ଫିଲ୍ମ ରିଲିଜ ପରେ ଅମିତାଭ ଏବଂ ଜୟପ୍ରଦାଙ୍କ ଯୋଡ଼ି ବେଶ୍ ଜମିଥିଲା।
୪୫ ରିଟେକ୍ ଏବଂ ୨ ଘଣ୍ଟାର ପ୍ରୟାସ ପରେ ସିନ୍ଟି ଶେଷ ହୋଇଥିଲା। ଆଜି ବି ଅମିତାଭ ତାଙ୍କର ପ୍ରତ୍ୟେକ ଦୃଶ୍ୟ ପାଇଁ ବହୁତ ପରିଶ୍ରମ କରନ୍ତି, ତାଙ୍କ ସହ କାମ କରିଥିବା ଅଭିନେତା ଏବଂ ଫିଲ୍ମ ନିର୍ମାତାମାନେ ମଧ୍ୟ ଜାଣନ୍ତି ବିଗ୍ ବି ତାଙ୍କ ଦୃଶ୍ୟକୁ ସିଦ୍ଧ କରିବା ପାଇଁ ବହୁତ ରିହର୍ସାଲ କରନ୍ତି।