ମୁମ୍ବାଇ: ବଲିଉଡ୍ ସେଲିବ୍ରିଟିମାନେ ଏବେ ହାତକୁ ଦି’ ହାତ ହେବାରେ ଲାଗିଛନ୍ତି। ନିକଟରେ ଅଭିନେତ୍ରୀ ପରିଣୀତି ଚୋପ୍ରା ଏମ୍ପି ରାଘବ ଚଢ଼ାଙ୍କୁ ବିବାହ କରିଥିବା ବେଳେ ଟିଭି ଅଭିନେତା ଅମିତ ଟଣ୍ଡନ ୧୬ ବର୍ଷ ପରେ ପୁଣିଥରେ ତାଙ୍କ ସ୍ତ୍ରୀ ରୁବି ଟଣ୍ଡନଙ୍କୁ ବିବାହ କରିଛନ୍ତି। ଆଜି ଅର୍ଥାତ୍ ଗୁରୁବାର ଟିଭି ଅଭିନେତ୍ରୀ ନେହା ବାଗା ପ୍ରଶଂସକଙ୍କ ସହ ଖୁସି ଖବର ଶେୟାର କରିଛନ୍ତି। ସେ ତାଙ୍କ ପ୍ରେମିକଙ୍କୁ ବିବାହ କରିବାକୁ ଯାଉଥିବା ଫଟୋ ଶେୟାର କରି ପ୍ରଶଂସକଙ୍କୁ ଜଣାଇଛନ୍ତି।
ନେହା ତାଙ୍କ ଦୀର୍ଘଦିନର ପ୍ରେମିକ ରେଷ୍ଟି କାମ୍ବୋଜଙ୍କ ସହ ତୁର୍କୀରେ ନିର୍ବନ୍ଧ ହୋଇଥିବାର ଫଟୋ ଶେୟାର କରିଛନ୍ତି। ଏହି କପଲ ନିଜ ନିଜ ଇନଷ୍ଟାଗ୍ରାମରେ ସେମାନଙ୍କର ଫଟୋ ଶେୟାର କରିଛନ୍ତି। ଏହା ବ୍ୟତୀତ ଦୁହେଁ ନିଜ ୟୁଟ୍ୟୁବ୍ ଭ୍ଲଗ୍ ମାଧ୍ୟମରେ ଭିଡିଓ ଶେୟାର କରିଛନ୍ତି।
ରେଷ୍ଟି ନେହାଙ୍କୁ ତୁର୍କୀରେ ଏକ ବିଶେଷ ଉପାୟରେ ବିବାହ ପାଇଁ ପ୍ରସ୍ତାବ ଦେଇଥିଲେ। ସେ ତାଙ୍କୁ ଏକ ରିଙ୍ଗ ପିନ୍ଧାଇଥିଲେ। ଏହି ଅବସରରେ ନେହାଙ୍କୁ ନାଲି ରଙ୍ଗର ଗାଉନରେ ଦେଖିବାକୁ ମିଳିଥିଲା। ରେଷ୍ଟି ବ୍ଲାକ୍ ଡ୍ରେସ୍ରେ ନଜର ଆସିଛନ୍ତି। ସେପ୍ଟେମ୍ବର ୧୯ରେ ଦୁହିଁଙ୍କର ତୁର୍କୀର ସୁନ୍ଦର ସହର କାପାଦୋସିଆରେ ନିର୍ବନ୍ଧ ହୋଇଛି। ତାଙ୍କ ଚାରିପାଖରେ ହଟ୍ ଏୟାର ବେଲୁନ୍ ଦେଖିବାକୁ ମିଳିଛି। ତେବେ ଏହି ଯୋଡ଼ି କେବେ ବିବାହ କରିବେ ସେ ସମ୍ପର୍କରେ କୌଣସି ନିର୍ଦ୍ଦିଷ୍ଟ ତାରିଖ ଘୋଷଣା କରିନାହାନ୍ତି।