ବଲିଉଡ୍ରେ ଏବେ ଡଗ୍ସ କନେକ୍ସନକୁ ନେଇ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ(ଏନସିବି) ଖୋଳତାଡ ଆରମ୍ଭ କରିଛି। ଜଣେ ପରେ ଜଣେ ଆଗଧାଡିର ଅଭିନେତ୍ରୀ ଡ୍ରଗ୍ସ ନେଉଥିବା ଜଣାପଡିବା ପରେ ସେମାନଙ୍କୁ ପଚରାଉଚରା ପାଇଁ ଡକାଯାଉଛି। ଏବେ ଆଇପିଏଲରେ ବି ଡଗ୍ସ ବ୍ୟବହାର କରାଯାଉଥିବା କହିଛନ୍ତି ବଲିଉଡ୍ ଅଭିନେତ୍ରୀ ତଥା ମଡେଲ ଶର୍ଲିନ୍ ଚୋପ୍ରା। ବଡ ବଡ କ୍ରିକେଟରଙ୍କ ସ୍ତ୍ରୀମାନେ ମଧ୍ୟ ଡଗ୍ସ ନେଉଛନ୍ତି। ଆଇପିଏଲରେ କୋଲକତା ନାଇଟ୍ ରାଇଡର୍ସ ଖେଳୁଥିବା ମ୍ୟାଚ୍ରେ କ୍ରିକେଟର୍ ଏବଂ ବଲିଉଡ୍ ଷ୍ଟାର୍ସମାନେ ଓ୍ବାଶ୍ରୁମ୍ରେ ଡଗ୍ସ ନେଇଥିଲେ ବୋଲି ଶର୍ଲିନ କହିଛନ୍ତି। ଯଦି ତାଙ୍କୁ ଏନସିବି ପକ୍ଷରୁ ପଚରାଉଚରା ପାଇଁ ଡକାଯାଏ ତେବେ ସେ ସବୁ ରାଜ୍ ଖୋଲି ଦେବେ ବୋଲି କହିଛନ୍ତି। କୋଲକତା ନାଇଟ୍ ରାଇଡର୍ସ ଖେଳୁଥିବ ଅଧିକାଂଶ ମ୍ୟାଚ୍ ପରେ ଖେଳାଳି ଏବଂ ବଲିଉଡର କିଛି କଳାକାର ମିଶି ଡ୍ରଗ୍ସ ସେବନ କରିଥାନ୍ତି। ଶର୍ଲିନ କହିଛନ୍ତି, ମୁଁ ଥରେ କେକେଆରର ଏକ ମ୍ୟାଚ୍ ଦେଖିତ୍ବାକୁ କୋଲକତା ଯାଇଥିଲି, ମ୍ୟାଚ୍ ପରେ ଏକ ପାର୍ଟି ରଖାଯାଇଥିଲା। ସେଦିନ ପାର୍ଟିରେ ବଲିଉଡର ବଡ ବଡ କଳାକାର ଏବଂ କ୍ରିକେଟର୍ଙ୍କ ସ୍ତ୍ରୀ ଥିଲେ। ଡ୍ୟାନ୍ସ କରି ଥକି ଯିବାରୁ ଫ୍ରେଶ୍ ହେବାକୁ ଓ୍ବାଶ୍ରୁମ୍କୁ ଯାଇଥିଲି। ସେଠାରେ ସମସ୍ତେ ଡ୍ରଗ୍ସ ନେଉଥିବା ଦେଖିଥିଲି ବୋଲି ସେ କହିଛନ୍ତି। ଅବଶ୍ୟ ଆଇପିଏଲ୍ର କେଉଁ ସିଜିନ୍ରେ ଏଭଳି ଘଟଣା ଘଟିଥିଲା ତାହା ସେ କହିନାହାନ୍ତି।
